| e-texts navigator |
| Wylie |
445b1 བཙིར་ཀྱང་མར་མི་དམིགས་སོ།།དེ་བཞིན་དུ་སེམས་ཅན་གྱི་རབ་ཏུ་གནོད་པའི་སྡུག་བསྔལ་ཐམས་ཅད་ཀྱིས་དེ་བཞིན་གཤེགས་པ་ལ་གནོད་པ་བྱས་ཀྱང་།ཇི་སྲིད་དུ་སེམས་ཅན
445b2 རྣམས་ཡོངས་སུ་མྱ་ངན་ལས་མ་འདས་ཀྱི་བར་དུ་ཆོས་ཀྱི་དབྱིངས་མི་འདོར་ཏེ།རང་གི་ཏིང་ངེ་འཛིན་དང་།སྨོན་ལམ་གྱི་བདེ་བ་དང་།ཐུགས་རྗེ་ཆེན་པོའི་ཕྱིར་རོ།།བློ་གྲོས
445b3 ཆེན་པོ་དཔེར་ན་གངྒཱའི་ཀླུང་གི་བྱེ་མ་རྣམས་ནི་ཆུའི་རྒྱུན་གྱི་རྗེས་སུ་འབབ་སྟེ།ཆུ་མེད་པར་ནི་མ་ཡིན་ནོ།།དེ་བཞིན་དུ་བློ་གྲོས་ཆེན་པོ་དེ་བཞིན་གཤེགས་པ་རྣམས་ཀྱིས
445b4 བསྟན་པའི་ཆོས་ཐམས་ཅད་ཀྱང་མྱ་ངན་ལས་འདས་པའི་རྒྱུན་གྱི་རྗེས་སུ་འབབ་པས་དེའི་ཕྱིར་འདི་སྐད་དུ་གངྒཱའི་ཀླུང་གི་བྱེ་མ་དང་མཉམ་པ་ཞེས་བཤད་དོ།།དེ་བཞིན
445b5 གཤེགས་པ་ནི་འགྲོ་བ་རྣམས་ཀྱི་རྗེས་སུ་མི་འཇུག་སྟེ།རྗེས་སུ་འབབ་ཅིང་འགྲོ་བ་ནི་འཇིག་པའི་དོན་ཡིན་པའི་ཕྱིར་རོ།།བློ་གློས་ཆེན་པོ་འཁོར་བའི་ཐོག་མའི་མཐའ
445b6 ཤེས་པར་མི་ནུས་པའི་ཕྱིར།ཤེས་པ་མེད་ན་ཇི་ལྟར་འགྲོ་བ་ཞེས་བཤད།བློ་གྲོས་ཆེན་པོ་འགྲོ་བ་ཞེས་བྱ་བ་ནི་ཆད་པའི་དོན་ཡིན་ན་བྱིས་པ་སོ་སོའི་སྐྱེ་བོ་རྣམས་ཀྱིས་མི
445b7 ཤེས་སོ།།བློ་གྲོས་ཆེན་པོས་བཅོམ་ལྡན་འདས་ལ་གསོལ་པ།བཅོམ་ལྡན་འདས་གལ་ཏེ་སེམས་ཅན་རྣམས་འཁོར་བའི་ཐོག་མའི་མཐའ་འཚལ་བ་མ་མཆིས་ན་ཇི
iiif viewer powered by OpenSeadragon
