| e-texts navigator |
| Wylie |
444a1 རང་གི་ཚུལ་རྣམ་པར་གཞག་པའི་ཕྱིར་འདི་སྐད་དུ་དེ་བཞིན་གཤེགས་པ་རྣམས་འབྱུང་བ་ཨུ་དུམྦཱ་རའི་མེ་ཏོག་བཞིན་ནོ་ཞེས་བཤད་པ་ནི་མ་ཡིན་ནོ།།
444a2 བློ་གྲོས་ཆེན་པོ་རང་གི་ཚུལ་རྣམ་པར་གཞག་པ་ནི་འཇིག་རྟེན་པའི་བསམ་པ་ལས་འདས་པས་བྱིས་པ་སོ་སོའི་སྐྱེ་བོ་དེ་དག་ཡིད་ཆེས་པར་མི་འགྱུར་ཏེ།སོ་སོ་རང་གིས
444a3 རིག་པའི་འཕགས་པའི་ཡེ་ཤེས་ཀྱི་སྤྱོད་ཡུལ་ལ་ནི་དཔེར་བྱ་བ་མེད་དོ།།དེ་ཁོ་ན་ཉིད་ཀྱི་དེ་བཞིན་གཤེགས་པ་ནི་སེམས་དང་ཡིད་དང་།ཡིད་ཀྱི་རྣམ་པར་ཤེས་པ
444a4 ལས་འདས་པས་མཐོང་བར་བྱ་བའི་མཚོན་མ་རྣམས་ཀྱིས་དཔེ་བྱར་མི་རུང་ངོ་།།བློ་གྲོས་ཆེན་པོ་འོན་ཀྱང་ངས་དེ་བཞིན་གཤེགས་པ་རྣམས་གངྒཱའི་ཀླུང་གི་བྱེ་མ་དང
444a5 མཉམ་མོ་ཞེས་དཔེས་བསྟན་པ་ལ་ཉེས་པ་མེད་དེ།བློ་གྲོས་ཆེན་པོ་དཔེར་ན་གངྒཱའི་ཀླུང་གི་བྱེ་མ་ནི་ཉ་དང་།རུས་སྦལ་དང་།ཤི་ཤུ་མ་ར་དང་།སེང་གེ་དང་།
444a6 གླང་པོ་ཆེ་དྲང་།རྟ་དང་།མཱི་དང་།རི་དགས་རྣམས་ཀྱིས་གཙེས་ཤིང་དཀྲུགས་ཀྱང་བྱེ་མ་དེ་འདི་སྙམ་དུ་འདི་དག་གིས་བདག་ལ་གཙེས་སོ་ཞེས་རྣམ་པར
444a7 རྟོག་པར་མི་བྱེད་དེ།རང་བཞིན་གྱིས་ཡོངས་སུ་དག་ཅིང་དྲི་མ་རྣམས་ཀྱིས་གོས་པ་མེད་པའི་ཕྱིར་རོ།།དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང
iiif viewer powered by OpenSeadragon
