| e-texts navigator |
| Wylie |
443a1 བཞིན་རྣམ་པ་གསུམ་དང་།རྣམ་པར་ཤེས་པ་བརྒྱད་དང་།བདག་མེད་པ་གཉིས་དང་།སངས་རྒྱས་ཀྱི་ཆོས་ཐམས་ཅད་ཀྱང་དེར་འདུས་ཏེ།།
443a2 དེ་ལྟ་བས་ན་བློ་གྲོས་ཆེན་པོ་དེ་ལྔ་བདག་ཉིད་ཀྱིས་ནུན་ཏནྡ་དུ་བསླབ་པར་བྱ་ཞིང་གཞན་ལའང་བསླབ་པར་བྱ་སྟེ།གཞན་གྱི་རྗེས་སུ་འབྲང་བར་མི་བྱའོ།།དེ་ནས
443a3 བཅོམ་ལྡན་འདས་ཀྱིས་དོན་དེ་ཉིད་ཀྱང་བསྟན་པའི་ཕྱིར་ཚིགས་སུ་བཅད་པོ་འདི་དག་གསུངས་སོ།།ཆོས་ལྔ་དང་ནི་རང་བཞིན་གསུམ།།རྣམ་ཤེས་བརྒྱད་པོ་ཉིད
443a4 དག་དང་།།བདག་མེད་དོན་ནི་རྣམ་གཉིས་པོར།།ཐེག་ཆེན་ཐམས་ཅད་བསྡུས་པ་ཡིན།།མིང་དང་རྒྱུ་མཚན་རྣམ་པར་རྟོག།རང་བཞིན་གཉིས་ཀྱི་མཚན་ཉིད
443a5 དེ|ཡང་དག་ཡེ་ཤེས་དེ་བཞིན་ཉིད།།ཡོངས་སུ་གྲུབ་པའི་མཚན་ཉིད་དོ།།དེ་ནས་བྱང་ཆུབ་སེམས་དཔའ་བློ་གྲོས་ཆེན་པོས་ཡང་བཅོམ་ལྡན་འདས་ལ་འདི
443a6 སྐད་ཅེས་གསོལ་ཏོ།།ཇི་ལྟར་བཅོམ་ལྡན་འདས་ཀྱིས་གསུངས་པ་ལྟར་ན་འདས་པའི་སངས་རྒྱས་རྣམས་ནི་གངྒཱའི་ཀླུང་གི་བྱེ་མ་སྙེད་དེ།མ་འོངས་པ་དང་།ད
443a7 ལྟར་གྱིའང་དེ་བཞིན་ནོ་ཞེས་བཀའ་སྩལ་ན།བཅོམ་ལྡན་འདས་འདི་ལ་སྒྲ་ཇི་བཞིན་དུ་དོན་གཟུང་བར་བགྱིའམ།འོན་ཏེ་དོན་གཞན་ཞིག་མཆིས་ལགས།།
iiif viewer powered by OpenSeadragon
