| e-texts navigator |
| Wylie |
442a1 པའི་ཕྱིར་ཡོངས་སུ་གྲུབ་པའི་ངོ་བོ་ཉིད་ཅེས་བྱའོ།།གཞན་ཡང་བློ་གྲོས་ཆེན་པོ་རང་གི་སེམས་སྣང་བའི་རྣམ་པར་རྟོག་པ་ལ་རྣམ་པ་བརྒྱད་དུ
442a2 དབྱེ་སྟེ།འདི་ལྟ་སྟེ།ཀུན་གཞི་རྣམ་པར་ཤེས་པ་དང་།ཡིད་དང་ཡིད་ཀྱི་རྣམ་པར་ཤེས་པ་དང་།རྣམ་པར་ཤེས་པའི་ཚོགས་ལྔའོ།།དེ་ལ་རྒྱུ་མཚན་ནི་ཡང
442a3 དག་པ་མ་ཡིན་པའི་མཚན་ཉིད་ལ་ཀུན་ཏུ་བརྟགས་པའི་ཕྱིར་བདག་དང་བདག་གིར་འཛིན་པ་གཉིས་འགགས་ན་བདག་མེད་པ་གཉིས་སྐྱེའོ།།དེ་ལྟ་བས་ན་བློ
442a4 གྲོས་ཆེན་པོ་ཆོས་ལྔ་པོ་འདིའི་ནང་དུ་ཉན་ཐོས་དང་།རང་སངས་རྒྱས་དང་།བྱང་ཆུབ་སེམས་དཔའ་དྲང་།དེ་བཞིན་གཤེགས་པ་རྣམས་ཀྱི་སོ་སོ་རང་གིས་རིག་པ
442a5 འཕགས་པའི་ཡེ་ཤེས་དང་།ས་རྣམས་ཀྱི་མཚམས་སྦྱར་བ་དང་།གེ་རིམས་དང་།སངས་རྒྱས་ཀྱི་ཆོས་ཐམས་ཅད་ཀྱང་འདུས་སོ།།གཞན་ཡང་བློ་གྲོས་ཆེན་པོ
442a6 ཆོས་ལྔ་ནི་རྒྱུ་མཚན་དང་།མིང་དང་།རྣམ་པར་རྟོག་པ་དང་།དེ་བཞིན་ཉིད་དང་།ཡང་དག་པའི་ཡེ་ཤེས་སོ།།བློ་གྲོས་ཆེན་པོ་དེ་ལ་རྒྱུ་མཚན་ནི་གནས
442a7 པ་དང་།དབྱིབས་ཀྱི་མཚན་ཉིད་དང་།གཟུགས་ལ་སོགས་པའི་མཚན་ཉིད་དུ་སྣང་བ་ནི་རྒྱུ་མཚན་ཞེས་བྱའོ།།གང་རྒྱུ་མཚན་དེ་ཉིད་ལ་བུམ་པ་ཞེས་བྱ་བ
iiif viewer powered by OpenSeadragon
