| e-texts navigator |
| Wylie |
441b1 སྨིན་པར་བྱེད་པ་ནི་མཐར་ཐུག་པའི་གནས་བཅུ་ཡོངས་སུ་རྫོགས་ནས་མོས་པ་སྣ་ཚོགས་པའི་སེམས་ཅན་རྣམས་ལ་རབ་ཏུ་འབྱེད་ཅིང་ཆོས་སྟོན་ཀྱང་ཆོས་ཀྱི་སྐུ་ནི་ཡིད་ཀྱི
441b2 མངོན་པར་འདུ་བྱེད་པ་དང་བྲལ་བའོ།།འདི་ནི་བྱང་ཆུབ་སེམས་དཔའ་རྣམས་དེ་བཞིན་ཉིད་ལ་ཞུགས་ནས་ཐོབ་པ་ཞེས་བྱའོ།།དེ་ནས་བྱང་ཆུབ་སེམས་དཔའ་བློ་གྲོས
441b3 ཆེན་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།།བཅོམ་ལྡན་འདས་ཅི་རང་བཞིན་གསུམ་པོ་རྣམས་ཆོས་ལྔའི་ནང་དུ་འདུས་པ་ཞིག་ལགས་སམ།འོན་ཏེ་སོ
441b4 སོ་ནས་རང་གི་མཚན་ཉིད་དུ་གྲུབ་པ་ཞིག་ལགས།བཅོམ་ལྡན་འདས་ཀྱིས་བཀའ་སྩལ་པ།བློ་གྲོས་ཆེན་པོ་རང་བཞིན་གསུམ་དང་།རྣམ་པར་ཤེས་པ་བརྒྱད་དང་།
441b5 བདག་མེད་པ་གཉིས་ཀྱང་ཆོས་ལྔའི་ནང་དུ་འདུས་སོ།།བློ་གྲོས་ཆེན་པོ་མིང་དང་རྒྱུ་མཚན་དེ་དག་ནི་ཀུན་ཏུ་བརྟགས་པའི་རང་བཞིན་ཡིན་ནོ།།བློ་གྲོས་ཆེན་པོ་རྣམ་པར
441b6 རྟོག་པ་དེ་ལ་བརྟེན་ནས་སེམས་དང་སེམས་ལས་བྱུང་བའི་ཆོས་མིང་དང་ལྷན་ཅིག་སྐྱེ་སྟེ།ཇི་ལྟར་ཉི་མ་དང་འོད་ཟེར་ལྷན་ཅིག་འབྱུང་བ་བཞིན་དུ་སྣ་ཚོགས་ཀྱི་མཚན་ཉིད
441b7 སོ་སོར་རྣམ་པར་རྟོག་ཅིང་།འཛིན་པར་བྱེད་པ་དེ་ནི་གཞན་གྱི་དབང་གི་རང་བཞིན་ཞེས་བྱའོ།།བློ་གྲོས་ཆེན་པོ་ཡང་དག་པའི་ཡེ་ཤེས་དང་།དེ་བཞིན་ཉིད་ནི་མི་འཇིག
iiif viewer powered by OpenSeadragon
