| e-texts navigator |
| Wylie |
440b1 དུས་དང་།རྡུལ་ཕྲ་མོ་དང་།གཙོ་བོ་ལས་བྱུང་བ་མ་ཡིན་པར་མ་ཤེས་ནས་བྱིས་པ་སོ་སོའི་སྐྱེ་བོ་རྣམས་མིང་དང་།རྒྱུ་མཚན་གྱི་རྗེས་སུ་འབྲང་ངོ་།།དེ་ལ་བློ་གྲོས་ཆེན
440b2 པོ་རྒྱུ་མཚན་དེའང་མིག་གི་རྣམ་པར་ཤེས་པས་སྣང་བར་བྱ་བ་ནི་གཟུགས་ཞེས་བྱའོ།།དེ་བཞིན་དུ་རྣ་བ་དང་།སྣ་དང་།ལྕེ་དང་།ལུས་དང་།ཡིད་ཀྱི་རྣམ་པར་ཤེས
440b3 པས་སྣང་བར་བྱ་བ་ནི་སྒྲ་དང་།དྲི་དང་།རོ་དང་།རེག་བྱ་དང་།ཆོསཱ་ཞེས་བྱ་སྟེ།འདི་ནི་རྒྱུ་མཚན་ཞེས་བྱའོ།།བློ་གྲོས་ཆེན་པོ་རྣམ་པར་རྟོག་པ་དེ་ནི་གང་གིས་མིང
440b4 མང་པོར་བཏགས་ནས་མཚན་མ་རྣམས་གསལ་བར་བྱེད་པ་སྟེ།འདི་ནི་དེ་བཞིན་གྱི་གཞན་དུ་མ་ཡིན་ནོ་ཞེས་གླང་པོ་ཆེ་དང་།རྟ་དང་།ཤིང་རྟ་དང་།རྐང་ཐང་དང་།སྐྱེས
440b5 པ་དང་།བུད་མེད་ལ་སོགས་པའི་མིང་གང་ཡིན་པ་དེ་ནི་རྣམ་པར་རྟོག་པ་ཞེས་བྱའོ།།བློ་གློས་ཆེན་པོ་ཡང་དག་པའི་ཡེ་ཤེས་གང་གིས་མིང་དང་།རྒྱུ་མཚན་དེ་དག
440b6 མི་དམིགས་ཤིང་ཕན་ཚུན་འགྲོ་བའི་འགྲོན་པོ་དང་མཚུངས་ཏེ།རྣམ་པར་ཤེས་པ་རྣམས་མི་སྐྱེ་བས་རྟག་པ་མེད་པ།ཆད་པ་མེད་པས་མུ་སྟེགས་ཅན་དང་།ཉན་ཐོས་དང་།།
440b7 རང་སངས་རྒྱས་ཐམས་ཅད་ཀྱི་སར་མི་ལྟུང་བའོ།།གཞན་ཡང་བློ་གྲོས་ཆེན་པོ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་ཡང་དག་པའི་ཡེ་ཤེས་དེས་མིང་དང་།
iiif viewer powered by OpenSeadragon
