| e-texts navigator |
| Wylie |
439b1 ཡིད་ལ་གཟུང་ཞིག།བློ་གྲོས་ཆེན་པོས་བཅོམ་ལྡན་འདས་ལ་གསོལ་པ།དེ་བཞིན་དུ་འཚལ་ལོ་ཞེས་བཀའ་མཉན་པ་དང་།བཅོམ་ལྡན་འདས་ཀྱིས་བཀའ་སྩལ་པ།།
439b2 བློ་གྲོས་ཆེན་པོ་ཆོས་ལྔ་དང་།རང་བཞིན་དང་།རྣམ་པར་ཤེས་པ་དང་།བདག་མེད་པ་གཉིས་རྣམ་པར་དབྱེ་བ་དང་རབ་ཏུ་འཇུག་པའི་མཚན་ཉིད་ནི་འདི་ལྟ་སྟེ།མིང
439b3 དང་།རྒྱུ་མཚན་དང་།རྣམ་པར་རྟོག་པ་དང་།ཡང་དག་པའི་ཡེ་ཤེས་དང་།དེ་བཞིན་ཉིད་དེ།རྣལ་འབྱོར་པ་རྣམས་ཀྱིས་བསྒོམས་ན།དེ་བཞིན་ག་ཤུགས
439b4 པའི་རང་གིས་རིག་པ་འཕགས་པའི་ཚུལ་ལ་རབ་ཏུ་འཇུག་ཅིང་རྟག་པ་དང་།ཆད་པ་དང་།ཡོད་པ་དང་།མེད་པ་ལ་སོགས་པའི་ལྟ་བ་སྤངས་ནས་མཐོང་བའི་ཆོས་ལ
439b5 བདེ་བའི་སྙོམས་པར་འཇུག་པ་ལ་གནས་པ་མངོན་སུམ་དུ་འགྱུར་རོ།།བློ་གྲོས་ཆེན་པོ་ཆོས་ལྔ་དང་།རང་བཞིན་དང་།རྣམ་པར་ཤེས་པ་དང་།བདག་མེད་པ་གཉིས
439b6 དང་།རང་གི་སེམས་སྣང་བ་དང་།ཕྱི་རོལ་གྱི་དངོས་པོ་དེ་དག་ཁོང་དུ་མ་ཆུད་པའི་ཕྱིར་སོ་སོའི་སྐྱེ་བོ་རྣམ་པར་རྟོག་པར་བྱེད་ཀྱི་འཕགས་པ་རྣམས་ནི་མ་ཡིན་ནོ།།བློ་གྲོས
439b7 ཆེན་པོས་བཅོམ་ལྡན་འདས་ལ་གསོལ་པ།བཅོམ་ལྡན་འདས་ཇི་ལྟར་ན་བྱིས་པ་སོ་སོའི་སྐྱེ་བོ་རྣམས་རྣམ་པར་རྟོག་པ་སྐྱེ་ལ་འཕགས་པ་རྣམས་ཀྱིས་མ་ལགས།བཅོམ
iiif viewer powered by OpenSeadragon
