| e-texts navigator |
| Wylie |
439a1 སྟེ།།ཐོག་མ་མེད་ནུས་བྲག་ཆགས་བསྒོས།།ཡང་དག་ཇི་བཞིན་རབ་རྟོགས་ན།།དངོས་པོ་རྣམས་ནི་དངོས་པོ་མེད།།ཇི་ལྟར་བྱིས་པ་སྐོར་མོའི།
439a2 རྩེར།།འཛིན་ཅིང་ཟླ་བ་མི་ལྟ་བ།།དེ་བཞིན་ཡི་གེར་ཞེན་པ་རྣམས།།ང་ཡི་ཡང་དག་མཐོང་མི་འགྱུར།།སེམས་ནི་གར་མཁན་བཞིན་དུ་གནས།།ཡིད་ནི་རམ?
439a3 བུ་ཐོག་པ་འདྲ།།རྣམ་ཤེས་ལྔ་ནི་གྲོགས་ལྟ་བུ།།རྣམ་རྟོག་གར་རྣམས་རབ་ཏུ་ལྟ།།དེ་ནས་བྱང་ཆུབ་སེམས་དཔའ་བློ་གྲོས་ཆེན་པོས་བཅོམ་ལྡན་འདས་ལ་འདི
439a4 སྐད་ཅེས་གསོལ་ཏོ།།བཅོམ་ལྡན་འདས་ཀྱིས་ཆོས་ལྔ་དང་།རང་བཞིན་དང་།རྣམ་པར་ཤེས་པ་དང་།བདག་མ་མཆིས་པ་གཉིས་ཡོངས་སུ་རྟོགས་པར
439a5 འགྱུར་བ་རྣམ་པར་དབྱེ་བའི་མཚན་ཉིད་བཤད་དུ་གསོལ།དེས་བདག་དང་བྱང་ཆུབ་སེམས་དཔའ་གཞན་རྣམས་ཀྱང་ས་ཐམས་ཅད་ཀྱི་གོ་རིམས་ཀྱི་མཚམས་སྦྱོར
439a6 ཞིང་ཆོས་འདི་དག་རྣམ་པར་དབྱེ་བ་དང་།སངས་རྒྱས་ཀྱི་ཆོས་ཐམས་ཅད་ཀྱི་རྗེས་སུ་འཇུག་པར་འགྱུར་ཏེ།སངས་རྒྱས་ཀྱི་ཆོས་ཐམས་ཅད་ཀྱི་རྗེས་སུ་ཞུགས་པ་ནི
439a7 དེ་བཞིན་གཤེགས་པའི་རང་གིས་རིག་པའི་སའི་བར་དུ་འཇུག་པར་འགྱུར་རོ།།བཅོམ་ལྡན་འདས་ཀྱིས་བཀའ་སྩལ་པ།བློ་གྲོས་ཆེན་པོ་ལེགས་པར་ཉོན་ལ
iiif viewer powered by OpenSeadragon
