| e-texts navigator |
| Wylie |
437b1 དང་སྤྱིའི་མཚན་ཉིད་ཀྱིས་བསྡུས་པའི་ཕུང་པོ་དང་།ཁམས་དང་།སྐྱེ་མཆེད་རྣམས་སྐྱེད་པ།དེ་བཞིན་གཤེགས་པའི་སྙིང་པོ་མཐོང་བར་གྱུར་པཱ་ན།ཆོས་ལྔ་དང་།རང་བཞིན
437b2 དང་།གང་ཟག་དང་།ཆོས་བདག་མེད་པ་རྣམས་ལྡོག་པར་གྱུར་ཏེ།སའི་རིམ་པའི་མཚམས་སྦྱོར་བ་ཁྱད་པར་དུ་གྱུར་པས་གཞན་མུ་སྟེགས་ཅན་གྱི་ལྟ་བ་རྣམས་ཀྱིས་བསྐྱོད་པར
437b3 མི་ནུས་པ་ནི་བྱང་ཆུབ་སེམས་དཔའི་ས་མི་གཡོ་བ་ལ་རབ་ཏུ་གནས་པ་ཞེས་བྱའོ།།ཏིང་ངེ་འཛིན་གྱི་བདེ་བའི་སྒོའི་ལམ་བཅུ་རབ་ཏུ་འཐོབ་པར་འགྱུར་ཏེ།ཏིང་ངེ་འཛིན་བློས་ཡོངས
437b4 སུ་བཟུང་བས་སངས་རྒྱས་ཀྱི་ཆོས་བསམ་གྱིས་མི་ཁྱབ་པ་ལ་སོ་སོར་རབ་ཏུ་རྟོག་པ་དང་།རང་གི་སྨོན་ལམ་གྱིས་ཏིང་ངེ་འཛིན་གྱི་སྒོའི་བདེ་བ་མི་ལེན་ཅིང་ཡང་དག་པའི་མཐའ་ལ་མི
437b5 གནས་པར་འཕགས་པའི་སོ་སོ་རང་གིས་རིག་པར་འགྲོ་བ་དང་།ཉན་ཐོས་དང་།རང་སངས་རྒྱས་དང་།མུ་སྟེགས་ཅན་ཐམས་ཅད་དང་ཐུན་མོང་མ་ཡིན་པའི་རྣལ་འབྱོར་གྱི
437b6 ལམ་འཕགས་པའི་རིགས་ཀྱི་ལམ་བཅུ་དང་།སྐུ་དང་།ཡེ་ཤེས་དང་།ཡིད་ལས་སྐྱེས་པ་དང་།ཏིང་ངེ་འཛིན་མངོན་པར་འདུ་བྱེད་པ་མེད་པ་རབ་ཏུ་འཐོབ་པར་འགྱུར་རོ།།
437b7 དེ་ལྟ་བས་ན་བློ་གྲོས་ཆེན་པོ་བྱང་ཆུབ་སེམས་དཔའ་སེམས་དཔའ་ཆེན་པོ་ཁྱད་པར་འདོད་པ་རྣམས་ཀྱིས་དེ་བཞིན་གཤེགས་པའི་སྙིང་པོ་ཀུན་གཞི་རྣམ་པར་ཤེས་པ་ཞེས་བྱ་བ་ཡོངས
iiif viewer powered by OpenSeadragon
