| e-texts navigator |
| Wylie |
436b1 བཅོམ་ལྡན་འདས་ལ་གསོལ་པ།དེ་བཞིན་དུ་འཚལ་ལོ་ཞེས་བཀའ་མཉན་པ་དང་།བཅོམ་ལྡན་འདས་ཀྱིས་བློ་གྲོས་ཆེན་པོ་ལ་འདི་སྐད་ཅེས་བཀའ་སྩལ་ཏོ།།དེ་བཞིན་གཤེགས
436b2 པའི་སྙིང་པོ་དགེ་བ་དང་།མི་དགེ་བའི་རྒྱུར་གྱུར་པ་ནི་འགྲོ་བའི་སྐྱེ་བ་ཐམས་ཅད་དུ་ཁྱབ་པར་བྱེད་པས་གར་མཁན་བཞིན་དུ་འགྲོ་བ་རྣམས་རྣམ་པར་འགྱུར་བ་སྟོན་པར་བྱེད་པ།བདག
436b3 དང་བདག་གི་སྤངས་པ་དེ་ཁོང་དུ་མ་ཆུད་པའི་ཕྱིར་གསུམ་འདུས་པའི་རྐྱེན་གྱི་སྦྱོར་བ་ལོས་སྐྱེ་བ་དང་།མུ་སྟེགས་ཅན་རྣམས་ཀྱིས་ཁོང་དུ་མ་ཆུད་པས་བྱེད་པ་པར་མངོན་པར་ཞེན
436b4 ཏོ།།ཐོག་མ་མེད་པའི་དུས་ནས་རྣམ་པར་སྤྲོས་པའི་གནས་ངན་ལེན་གྱི་བག་ཆགས་ཀྱིས་ཡོངས་སུ་བསྒྲེས་པ་ནི་ཀུན་གཞི་རྣམ་པར་ཤེས་པ་ཞེས་བྱ་སྟེ།མ་རིག་པ་གནས
436b5 པའི་ས་རྣམ་པར་ཤེས་པ་བདུན་དང་ལྷན་ཅིག་བསྐྱེད་པ།རྒྱ་མཚོའི་རླབས་བཞིན་དུ་ལུས་རྟག་ཏུ་སྐྱེད་ཅིང་རྒྱུན་མི་འཆད་པ།རྟག་པ་དང་མི་རྟག་པའི་ཉེས་པ་དང་བྲལ་བ།།
436b6 བདག་ཏུ་སྨྲ་བ་ཡོངས་སུ་སྤངས་པ།རང་བཞིན་གྱིས་དྲི་མ་མེད་པ།མཐར་ཡོངས་སུ་དག་པའོ།།དེ་མ་ཡིན་པའི་རྣམ་པར་ཤེས་པ་རྣམས་སྐྱེ་བ་དང་།འཇིག་པ་ཡོད་པ
436b7 སྟེ།ཡིད་དང་ཡིད་ཀྱི་རྣམ་པར་ཤེས་པ་ལ་སོགས་པ་སྐད་ཅིག་བདུན་དང་བཅས་པ་ཡང་དག་པ་མ་ཡིན་པ་ཡོངས་སུ་རྟོག་པའི་རྒྱུས་ཡུལ་རྣམས་ཀྱི་དབྱིབས་དང་གནས་སྣ
iiif viewer powered by OpenSeadragon
