| e-texts navigator |
| Wylie |
436a1 དང་ལྡན་པ་རྣམས་ཀྱིས་རྟག་པ་དང་མི་རྟག་པ་དང་།རྟག་པ་དང་།མི་རྟག་པའང་མ་ཡིན་པའི་ཡོངས་སུ་བསྒོས་པ་རྣམས་ཤིན་ཏུ་སྤང་བར་བྱའོ།།
436a2 དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང་བསྟན་པའི་ཕྱིར་ཚིགས་སུ་བཅད་པ་འདི་དག་གསུངས་སོ།།ཚོགས་རྣམས་དྲིན་མེད་གྱུར་ན་ནི།།རྟག་དང་མི་རྟོག་ཉེས
436a3 པ་སྐྱེ།།རྣམ་པར་རྟོག་པའི་བློ་མེད་ན།།རྟག་དང་མི་རྟག་རབ་ཏུ་སྤོང་།།དམ་ནི་རབ་ཏུ་འཆའ་བ་ལས།།གུད་ན་འདྲེས་པའི་དོན་ཡོང་གྱུར།།རང་སེམས་ཙམ་དུ
436a4 མཉམ་རྟོག་ན།།ཚིག་གི་བརྗོད་པ་དམིགས་སུ་མེད།།དེ་ནས་བྱང་ཆུབ་སེམས་དཔའ་བློ་གྲོས་ཆེན་པོས་ཡང་བཅོམ་ལྡན་འདས་ལ་གསོལ་པ།བཅོམ་ལྡན་འདས
436a5 ཀྱིས་ཡང་བདག་ལ་ཕུང་པོ་དང་།ཁམས་དང་།སྐྱེ་མཆེད་རྣམས་ཀྱི་སྐྱེ་བ་དང་འཇིག་པ་བཤད་དུ་གསོལ།དེ་དག་ལ་ནི་བདག་མ་མཆིས་ན་སུ་ཞིག་སྐྱེ་ཞིང་སུ་ཞིག
436a6 ལྡོག་པར་འགྱུར་ཏེ།བྱིས་པ་སོ་སོའི་སྐྱེ་བོ་རྣམས་ནི་སྐྱེ་བ་དང་འཇིག་པ་ལ་གནས་པས་སྡུག་བསྔལ་ཟད་པར་འགྱུར་བ་ཁོང་དུ་མི་ཆུད་ཅིང་མྱ་ངན་ལས་འདས་པ་རབ
436a7 ཏུ་མི་རྟོག་ལགས་སོ།།བཅོམ་ལྡན་འདས་ཀྱིས་བཀའ་སྩལ་པ།ལེགས་སོ།།དེའི་ཕྱིར་ལེགས་པར་ཉོན་ཅིག་དང་ཁྱོད་ལ་བཤད་པར་བྱའོ།།བློ་གྲོས་ཆེན་པོས
iiif viewer powered by OpenSeadragon
