| e-texts navigator |
| Wylie |
320b1 ལྷ་དང་།།བདག་མེད་ཡོངས་སུ་དག་གཉིས་ནི།།རྣམ་པར་འདྲེན་པས་རབ་ཏུ་གསུངས།།རིང་ཐུང་ཡོད་མེད་ལ་སོགས་པ།།ཕན་ཚུན་བལྟོས་ནས་རབ་ཏུ་སྐྱེ།།མེད་པའི
320b2 ཕྱིར་ནི་ཡོད་པ་གྲུབ།ཡོད་པའི་ཕྱིར་ནི་མེད་པའི་གྲུབ།།དངོས་པོ་རྡུལ་དུ་རྣམ་ཕྱེ་སྟེ།།གཟུགས་ཀྱི་རྣམ་རྟོག་མི་བསྐྱེད་དོ།།སེམས་ཙམ་རྣམ་པར་བཞག་པའི་གནས།།
320b3 ལྟ་བ་ངན་པས་མོས་མི་འགྱུར།།འཇིག་རྟེན་མགོན་པོས་གསུངས་པ་ཡི།།རང་གི་སྤྱོད་ཡུལ་གང་ཡིན་པ།།རྟོག་པ་ཅན་གྱི་ཡུལ་མ་ཡིན།།དེ་བཞིན་ཉན་ཐོས་ཀྱི་ཡང
320b4 མིན།།དེ་ནས་བྱང་ཆུབ་སེམས་དཔའ་བློ་གྲོས་ཆེན་པོས་རང་གི་སེམས་སྣང་བའི་རྒྱུད་རྣམ་པར་དག་པར་བྱ་བའི་ཕྱིར་བཅོམ་ལྡན་འདས་ལ་འདི་སྐད་ཅེས་གསོལ་ཏོ།།བཅོམ
320b5 ལྡན་འདས་རང་གི་སེམས་སྣང་བའི་རྒྱུད་ཇི་ལྟར་རྣམ་པར་དག་པར་བགྱི།ཅིག་ཅར་རམ་འོན་ཏེ་རིམ་གྱིས་ལགས།བཅོམ་ལྡན་འདས་ཀྱིས་བཀའ་སྩལ་པ།བློ་གྲོས་ཆེན་པོ
320b6 རིམ་གྱིས་རྣམ་པར་འདག་གི།ཅིག་ཅར་ནི་མ་ཡིན་ཏེ།དཔེར་ན་ཤིང་ཨ་མྲའི་འབྲས་བུ་ནི་རིམ་གྱིས་སྨིན་པར་འགྱུར་གྱི་ཅིག་ཅར་མ་ཡིན་ནོ།།དེ་བཞིན་དུ་དེ་བཞིན
320b7 གཤེགས་པས་སེམས་ཅན་རྣམས་ཀྱི་རང་གི་སེམས་སྣང་བའི་རྒྱུད་ཡོངས་སུ་སྦྱོང་བའང་རིམ་གྱིས་རྣམ་པར་འདག་གི་ཅིག་ཅར་མ་ཡིན་ནོ།།དཔེར་ན་རྫ་མཁན་སྣོད་རྣམས
iiif viewer powered by OpenSeadragon
