| e-texts navigator |
| Wylie |
319a1 དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་ཆེན་པོས།བཅོམ་ལྡན་འདས་ལ་འདི་སྐད་ཅེས་གསོལ་ཏོ།།བཅོམ་ལྡན་འདས་གང་རྣམ་པར
319a2 མི་རྟོག་པ་ཐོབ་པ་དེས།མི་སྐྱེ་བའི་མཚན་ཉིད་མཐོང་ནས།རྗེས་སུ་དཔག་པས་ཤིན་ཏུ་བསམས་ནས།རྣམ་པར་རྟོག་པ་མི་སྐྱེ་བ་སོ་སོར་རབ་ཏུ་རྟོག་པ་ལ་མ་མཆིས་པ་ཞེས
319a3 བགྱི་བ་ལགས་སམ།བཅོམ་ལྡན་འདས་ཀྱིས་བཀའ་སྩལ་པ།བློ་གྲོས་ཆེན་པོ་རྣམ་པར་རྟོག་པ་མི་སྐྱེ་བར་སོ་སོར་རབ་ཏུ་རྟོག་པ་ལ་མེད་པ་ཞེས་བྱ་བ་ནི་མ་ཡིན་ནོ།།
319a4 དེ་ཅིའི་ཕྱིར་ཞེ་ན།རྣམ་པར་རྟོག་པ་ནི་རྒྱུ་དེས་སྐྱེ་བའི་ཕྱིར་དེ་ལ་བརྟེན་ནས་རྣམ་པར་རྟོག་པ་སྐྱེའོ།།འདི་ལྟར་རྭ་ལ་བརྟེན་ནས་རྣམ་པར་རྟོག་པ་སྐྱེ་བས་དེའི་ཕྱིར་བརྟེན་པའི
319a5 རྒྱུ་ཞེས་བྱ་བའི་ཕྱིར་དང་།ཐ་དད་པ་དང་།ཐ་དད་པ་མ་ཡིན་པ་རྣམ་པར་སྤངས་པའི་ཕྱིར་རྣམ་པར་རྟོག་པ་མི་སྐྱེ་བར་སོ་སོར་རབ་ཏུ་རྟོག་པ་ལ་རཱ་མེད་ཅེས་བྱ་བ་ནི་མ
319a6 ཡིན་ནོ།།བློ་གྲོས་ཆེན་པོ་གལ་ཏེ་རྣམ་པར་རྟོག་པ་དང་།ཐ་དད་ན་ནི་རྭའི་རྒྱུ་ལས་བྱུང་བ་མ་ཡིན་པར་འགྱུར་རོ།།ཅི་སྟེ་ཐ་དད་པ་ཡིན་ན་ནི་དེའི་རྒྱུ་ལས་བྱུང་བའི
319a7 ཕྱིར་རྡུལ་ཕྲ་རབ་ཀྱི་བར་དུ་བརྟགས་ན་མི་དམིགས་ཏེ།རྭ་དང་ཐ་དད་པ་མ་ཡིན་པའི་ཕྱིར་དེའང་དངོས་པོར་མ་ཡིན་ནོ།།དེ་གཉིས་ཀའང་དངོས་པོ་མེད་ན་ཆོས་གང
iiif viewer powered by OpenSeadragon
