| e-texts navigator |
| Wylie |
318b1 ལར་མེད་དོ་སྙམ་དུ་རྣམ་པར་རྟོག་སྟེ།ཇི་ལྟར་རི་བོང་ལ་ར་མེད་པ་དེ་བཞིན་དུ།ཆོས་ཐམས་ཅད་ཀྱང་དེ་བཞིན་ནོ་ཞེས་ཟེར་རོ།།བློ་གྲོས་ཆེན་པོ་གཞན་ཡང་མུ་སྟེགས
318b2 ཅན་ཁ་ཅིག་འབྱུང་བ་དང་།ཡོན་ཏན་དང་།རྡུལ་དང་།རྫས་དང་།དབྱིབས་དང་།གནས་བརྟགས་པའི་ཆོས་སོ་སོ་ཐ་དད་པར་མཐོང་ནས་རི་བོང་ལ་རྭ་མེད་པར
318b3 མངོན་པར་ཞེན་ཅིང་ཀུན་ཏུ་རྟོག་པས་བ་ལང་གི་རཱ་ནི་ཡོད་དོ་ཞེས་རྣམ་པར་རྟོག་གོ།།བློ་གྲོས་ཆེན་པོ་དེ་དག་ལྟ་བ་གཉིས་སུ་ལྷུང་ཞིང་སེམས་ཙམ་དུ་མ་ཤེས་པས།རང
318b4 གྲི་སེམས་ཀྱི་སྤྱོད་ཡུལ་དང་རྣམ་པར་རྟོག་པ་འཕེལ་བ་ནས་ལུས་དང་ལོངས་སྤྱོད་རྣམ་པར་བཞག་པའི་རྣམ་པར་རྟོག་པ་སྣང་ངོ་།།བློ་གྲོས་ཆེན་པོ་ཆོས་ཐམས་ཅད
318b5 ཀྱིས་དངོས་པོའོང་དེ་བཞིན་ཏེ།ཡོད་པ་དང་།མེད་པ་དང་བྲལ་བ་ཡིན་པས་རྣམ་པར་བརྟག་པར་མི་བྱའོ།།བློ་གྲོས་ཆེན་པོ་གལ་ཏེའང་ཡོད་པ་དང་མེད་པ་དང་བྲལ
318b6 བས་རི་བོང་གྲི་རྭ་ལྟར་མེད་དོ་སྙམ་དུ་རྟོག་ན་ལོག་པར་རྟོག་པ་ཞེས་བྱ་སྟེ།དེ་དག་ཕན་ཚུན་དུ་བལྟོས་པའི་རྒྱུའི་ཕྱིར་རི་བོང་གི་རཱ་མེད་དོ་སྙམ་དུ་བརྟག་པར་མི་བྱའོ།།
318b7 རྡུལ་ཕྲ་རབ་ཀྱི་བར་དུ་བརྟགས་ནའང་དངོས་པོ་མི་དམིགས་པས།བློ་གྲོས་ཆེན་པོ་འཕགས་པའི་སྤྱོད་ཡུལ་དང་བྲལ་བ་བ་ལང་གི་རྭ་ཡོད་པར་བརྟགས་པར་མི་བྱའོ།།
iiif viewer powered by OpenSeadragon
