| e-texts navigator |
| Wylie |
317a1 དུ་བརྩོན་ཞིང་བསྒྲུབ་པར་བྱ་བའི་ཡེ་ཤེས་ཀྱི་མཚན་ཉིད་གསུམ་པོ་དེའང་གང་ཞེ་ན།འདི་ལྟ་སྟེ།སྣང་བ་མེད་པའི་མཚན་ཉིད་དང་།སངས་རྒྱས་ཐམས
317a2 ཅད་ཀྱི་རང་གི་སྨོན་ལམ་གྱི་གནས་ཀྱི་མཚན་ཉིད་དང་།འཕགས་པ་སོ་སོ་རང་གིས་རིག་པའི་ཡེ་ཤེས་མཐར་ཐུག་པའི་མཚན་ཉིད་དེ།རྣལ་འབྱོར་པས་དེ་དག་ཁོང་དུ་ཆུད
317a3 པས་བོང་བུ་ཐེང་པོ་ལྟ་བུའི་སེམས་དང་།ཤེས་རབ་དང་།ཡེ་ཤེས་ཀྱི་མཚན་ཉིད་སྤངས་ཏེ།རྒྱལ་བའི་སྲས་ཀྱིས་བརྒྱད་པ་ཐོབ་ནས།དེའི་གོང་དུ་མཚན་ཉིད་གསུམ
317a4 ལ་རབ་ཏུ་བརྩོན་པར་བྱེད་དོ།།དེ་ལ་བློ་གྲོས་ཆེན་པོ་སྣང་བ་མེད་པའི་མཚན་ཉིད་ནི་འདི་ལྟ་སྟེ།ཉན་ཐོས་དང་།རླུང་སངས་རྒྱས་དང་།མུ་སྟེགས་ཅན་གྱི་མཚན་ཉིད་དེ
317a5 དག་ཡོངས་སུ་འདྲིས་པ་ལས་སྐྱེའོ།།བློ་གྲོས་ཆེན་པོ་རང་གི་སྨོན་ལམ་གྱི་གནས་ཀྱི་མཚན་ཉིད་ནི་འདི་ལྟ་སྟེ།སྔོན་གྱི་སངས་རྒྱས་རྣམས་ཀྱི་རང་གི་སྨོན་ལམ་གྱི་གནས་ལ
317a6 མངོན་པར་བརྩོན་པ་ལས་འབྱུང་ངོ་།།བློ་གྲོས་ཆེན་པོ་འཕགས་པ་སོ་སོ་རང་གིས་རིག་པའི་ཡེ་ཤེས་མཐར་ཐུག་པའི་མཚན་ཉིད་ནི་ཆོས་ཐམས་ཅད་ཀྱི་མཚན་ཉིད་ལ
317a7 མངོན་པར་ཞེན་པ་མེད་པ་དང་།སྒྱུ་མ་ལྟ་བུའི་ཏིང་ངེ་འཛིན་གྱི་ལུས་རབ་ཏུ་ཐོབ་པས།སངས་རྒྱས་རྣམས་ཀྱི་སའི་གནས་ལ་བརྩོན་ཞིང་འཇུག་པའི་སྤྱོད་པ་ལས་སྐྱེ
iiif viewer powered by OpenSeadragon
