| e-texts navigator |
| Wylie |
316b1 བཤད་པ་མ་ཡིན་འགྱུར།།ཇི་ལྟར་ནད་པ་སོ་སོ་ལ།།སྨན་མཁས་དཔྱད་རྣམས་བསྟན་པ་ལྟར།།དེ་བཞིན་གཤེགས་པས་སེམས་ཅན་ལྔ།།མོས་པ་ཇི་བཞིན་རབ་ཏུ
316b2 སྐྱོན།།བརྩེ་བས་རབ་ཏུ་གསུངས་པ་ཡི།།སོ་སོ་རང་གི་སྤྱོད་ཡུལ་ནི།།རྟོག་གེ་པ་ཡི་ཡུལ་མ་ཡིན།།ཉན་ཐོས་རྣམས་ཀྱང་སྐལ་ཡོད་མིན།།གཞན་ཡང་བློ་གྲོས་ཆེན
316b3 པོ་བྱང་ཆུབ་སེམས་དཔའ་སེམས་དཔའ་ཆེན་པོ་གང་གིས་རང་གི་སེམས་སྣང་བའི་གཟུང་བ་དང་།འཛིན་པ་རྣམ་པར་རྟོག་པའི་སྤྱོད་ཡུལ་ཡོངས་སུ་ཤེས་པར་འདོད་པས
316b4 འདུ་བ་དང་།འདུ་འཛི་དང་།གཉིད་ཡོངས་སུ་སྤང་བར་བྱའོ།།སྲོད་དང་།ཐོ་རངས་དང་།ནམ་གྱི་གུང་ཐུན་ལ་བདག་ཉིད་རྟག་ཏུ་དྲན་པ་དང་ལྡན་ཞིང་མི་ཉལ་བར
316b5 སྦྱོར་བ་ལ་རབ་ཏུ་བརྩོན་པར་བྱའོ།།ལྟ་བ་ངན་པ་རྣམས་ཀྱི་བསྟན་བཅོས་དང་།གཏམ་དང་།ཉན་ཐོས་དང་།རང་སངས་རྒྱས་ཀྱི་ཐེག་པའི་མཚན་མ་ཡོངས་སུ་སྤང་བར
316b6 བྱའོ།།རང་གི་སེམས་སྣང་པོའི་རྣམ་པར་རྟོག་པའི་མཚན་ཉིད་ཁོང་དུ་ཆུད་པར་རྟོགས་པར་བྱའོ།།གཞན་ཡང་བློ་གྲོས་ཆེན་པོ་བྱང་ཆུབ་སེམས་དཔའ་སེམས་དཔའ་ཆེན
316b7 པོས་ཡེ་ཤེས་དང་།ཤེས་རབ་ཀྱི་མཚན་ཉིད་དགད་པ་ལ་གནས་ནས།གོང་དུ་འཕགས་པའི་ཡེ་ཤེས་ཀྱི་མཚན་ཉིད་གསུམ་ལ་རབ་ཏུ་བརྩོན་པས་བསྒྲུབ་པར་བྱའོ།།གོང
iiif viewer powered by OpenSeadragon
