| e-texts navigator |
| Wylie |
315a1 རབ་ཏུ་སྐྱེ།།ཇི་ལྟར་རྒྱ་མཚོ་ཡོངས་གྱུར་ནས།།དབའ་རླབས་སྣ་ཚོགས་འཇུག་པ་ལྟར།།རྣམ་ཤེས་བདུན་པོ་དེ་བཞིན་ཏེ།།སེམས་དང་ལྷན་ཅིག
315a2 རབ་ཏུ་སྐྱེ།།ཀུན་གཞི་རྣམ་ཤེས་གནས་ལས་ནི།།རྣམ་ཤེས་སྣ་ཚོགས་རབ་འཇུག་སྟེ།།འདི་ལྟར་ཡིད་དང་རྣམ་ཤེས་དེས།།མཚན་ཉིད་དོན་ལྔ་རབ་ཏུ་སེམས།།
315a3 འཇིགས་མཚན་ཉིད་བརྒྱད་ཡོད་དེ།།མཚན་མཾ་མེད་པའང་མཆིན་མ་མེད།།རྒྱ་མཚོ་དང་ནི་དབའ་རླབས་རྣམས།།ཇི་ལྟར་བྱེ་བྲག་མེད་པ་བཞིན།།རྣམ་ཤེས
315a4 སེམས་དང་དེ་བཞིན་དུ།།ཐ་དད་པ་ཡང་མི་དམིགས་སོ།།སེམས་ནི་ལ་སོགས་བྱེད་ཅེས་བྱ།།ཡིད་ཀྱི་རྒྱ་ཆེར་སོགས་པ་སྟེ།།རྣམ་ཤེས་དག་ནི་རྣམ་པར
315a5 རིགས།།སྣང་བའི་ཡུལ་ལྟོས་སྔར་བཤད་དོ།།དེ་ནས་བྱང་ཆུབ་སེམས་དཔའ་བློ་གྲོས་ཆེན་པོས་ཚིགས་སུ་བཅད་པས་ཞུ་བ་ཞུས་པ།སྔོན་པོ་དམར་པོའི་གཟུགས
315a6 རྣམས་ནི།།སེམས་ཅན་རྣམ་ཤེས་སྐྱེད་པར་བགྱིད།།རླབས་དང་མཚུངས་པའི་སྣ་ཚོགས་ཆོས།།ཅི་སླད་བདག་ལ་བཤད་དུ་གསོལ།།དེ་ནས་བཅོམ་ལྡན
315a7 འདས་ཀྱིས་ཚིགས་སུ་བཅད་དེ་བཀའ་སྩལ་པ།སྔོན་པོ་དམར་པོ་སྣ་ཚོགས་གཟུགས།།དབའ་རླབས་དག་ནི་ཡོད་མ་ཡིན།།ལ་སོགས་སེམས་སུ་བཤད་པ
iiif viewer powered by OpenSeadragon
