| e-texts navigator |
| Wylie |
313a1 ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སླད་དུ་དེ་བཞིན་གཤེགས་པ་རྣམས་ཀྱིས་རབ་ཏུ་བསྔགས་པ།རྒྱ་མཚོའི་དབའ་རླབས་ལྟ་བུའི་ཀུན
313a2 གཞི་རྣམ་པར་ཤེས་པའི་སྤྱོད་ཡུལ་དང་།ཆོས་ཀྱི་སྐུ་བཤད་དུ་གསོལ།དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་བློ་གྲོས་ཆེན་པོ་ལ་འདི་སྐད་ཅེས་བཀའ
313a3 སྩལ་ཏོ།།བློ་གྲོས་ཆེན་པོ་རྐྱེན་རྣམ་པ་བཞིའི་ཕྱིར་མིག་གི་རྣམ་པར་ཤེས་པ་འཇུག་སྟེ།བཞི་གང་ཞེ་ན།འདི་ལྟ་སྟེ།རང་གི་སེམས་སྣང་བ་འཛིན་པར་ཁང་དུ་མ་ཆུད
313a4 པ་དང་།ཐོག་མ་མེད་པའི་དུས་ནས་སྤྲོས་པའི་གནས་ངན་ལེན་གྱི་གཟུགས་ཀྱི་བག་ཆགས་ལ་མངོན་པར་ཞེན་པ་དང་།རྣམ་པར་ཤེས་པའི་རང་བཞིན་གྱི་ངོ་བོ་ཉིད་དང་།
313a5 གཟུགས་རྣམ་པ་སྣ་ཚོགས་ཀྱིས་མཚན་ཉིད་མཐོང་བར་འདུན་པའོ།།བློ་གྲོས་ཆེན་པོ་འདི་ནི་རྒྱུ་རྐྱེན་བཞི་པོ་ཆུ་ཀླུང་གི་གནས་དང་།ཀུན་གཞི་རྣམ་པར་ཤེས་པ་ལས་འཇུག
313a6 པའི་རྣམ་པར་ཤེས་པའི་རླབས་འབྱུང་བ་ཞེས་བྱའོ།།བློ་གྲོས་ཆེན་པོ་མིག་གི་རྣམ་པར་ཤེས་པ་ཇི་ལྟ་བ་བཞིན་དུ་དབང་པོ་ཐམས་ཅད་ཀྱི་རྡུལ་ཕྲ་རབ་དང་།སྤུའི་ཁུང་བུ་ལྷན
313a7 ཅིག་སྐྱེ་བ་དང་།རིམ་གྱིས་ཡུལ་གྱི་རྗེས་སུ་སྐྱེ་བའང་དེ་བཞིན་ཏེ།ཇི་ལྟར་མེ་ལོང་རབ་ཏུ་གསལ་བའི་ནང་དུ་གཟུགས་བརྙན་སྣང་བ་བཞིན་ནོ།།བློ་གྲོས་ཆེན་པོ་དཔེར་ན།།
iiif viewer powered by OpenSeadragon
