| e-texts navigator |
| Wylie |
312a1 འཇུག་པས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པ་རྗེས་སུ་ཐོབ་པར་བྱེད་པ་དང་།དེ་དག་གི་སྦྱོར་བ་སྐྱེད་པ་རབ་ཏུ་སྤངས་པས་རྡོ་རྗེ་ལྟ་བུའི་ཏིང་ངེ་འཛིན
312a2 ཐོབ་ནས་དེ་བཞིན་གཤེགས་པའི་ས་ལ་འཇུག་པར་འགྱུར་རོ།།དེ་བཞིན་ཉིད་ཀྱི་རྗེས་སུ་འཇུག་པའི་སྤྲུལ་པ་མངོན་པར་ཤེས་པ་དང་།དབང་དང་།སྙིང་རྗེ་དང་།
312a3 ཐབས་ཀྱིས་རབ་ཏུ་བརྒྱན་པ།སངས་རྒྱས་ཀྱི་ཞིང་ཐམས་ཅད་དུ་ཅིག་ཅར་འཇུག་པ།མུ་སྟེགས་ཅན་གྱི་གནས་སུ་ཉེ་བར་འགྲོ་བ།སེམས་དང་ཡིད་དང་།རྣམ་པར
312a4 ཤེས་པ་དང་བྲལ་བས་བྱང་ཆུབ་སེམས་དཔའ་དེ་གནས་གྱུར་པའི་རིམ་གྱིས་དེ་བཞིན་གཤེགས་པའི་སྐུ་འཐོབ་པར་འགྱུར་རོ།།བློ་གྲོས་ཆེན་པོ་དེ་བས་ན་དེ་བཞིན་གཤེགས
312a5 པའི་རྗེས་སུ་འཇུག་པའི་སྐུའང་འཐོབ་པར་འདོད་པ་རྣམས་ཀྱིས་ཕུང་པོ་དང་།ཁམས་དང་།སྐྱེ་མཆེད་དང་།སེམས་དང་།རྒྱུ་དང་།རྐྱེན་དང་།བྱ་བ་དང་།སྦྱོར་བ་དང་།
312a6 སྐྱེ་བ་དང་།གནས་པ་དང་།འཇིག་པ་དང་།རྣམ་པར་རྟོག་པའི་སྤྲོས་པ་རྣམས་ཡོངས་སུ་སྤང་བར་བྱའོ།།སེམས་ཙམ་གྱིས་དྲང་པོར་རྩོལ་བས་ཐོག་མ་མེད་པའི་དུས
312a7 ཀྱི་སྤྲོས་པའི་ཉེས་པ་ལ་སོ་སོར་རྟོག་ཅིང་།རྣམ་པར་རྟོག་པའི་བག་ཆགས་ཀྱི་རྒྱུ་དང་།སྲིད་པ་གསུམ་པོ་དག་སྣང་བ་མེད་པ་དང་།སངས་རྒྱས་ཀྱི་ས་སྐྱེ་བ་མེད་པར་འཇལ
iiif viewer powered by OpenSeadragon
