| e-texts navigator |
| Wylie |
311b1 ཤིག་ན་མེད་པ་དང་།རྒྱུ་དང་རྐྱེན་འགགས་ཤིང་ཟད་པར་གྱུར་ན།རྣམ་པར་རྟོག་པ་དང་བྲལ་བར་མཐོང་བ་དང་།བརྗོད་པ་དང་།བརྗོད་པར་བྱ་བ་དང་།བརྟག་པ་དང་།བརྟག་པར་བྱ
311b2 བ་དང་བྲལ་བ།ལོངས་སྤྱོད་དང་།ལུས་སུ་ཀུན་གཞི་རྣམ་པར་ཤེས་པ་རྣམ་པར་བཞག་པ་དང་།རྣམ་པར་ཤེས་པའི་ཡུལ་གཟུང་བ་དང་།འཛིན་པ་དང་།མི་མཐུན་པ་དང་།
311b3 སྣང་བ་མེད་པའི་སྤྱོད་ཡུལ་སྐྱེ་བ་དང་།གནས་པ་དང་།འཇིག་པ་སྤངས་པ་དང་།རང་གི་སེམས་ལས་བྱུང་བ་ཙམ་དུ་རྗེས་སུ་འཇུག་ཅིང་རྣམ་པར་འབྱེད་ན།བློ་གྲོས་ཆེན་པོ
311b4 བྱང་ཆུབ་སེམས་དཔའ་དེ་དག་ནི་རིང་པོར་མི་ཐོགས་པར་འཁོར་བ་དང་མྱ་ངན་ལས་འདས་པ་མཉམ་པ་ཉིད་དང་།སྙིང་རྗེ་ཆེན་པོ་དང་།ཐབས་ལ་མཁས་པ་དང་།རྩོལ་བ་མེད་པའི་སྦྱོར་བ
311b5 འཐོབ་པར་འགྱུར་རོ།།བློ་གྲོས་ཆེན་པོ་སེམས་ཅན་གྱི་ཁམས་དེ་དག་ཐམས་ཅད་སྒྱུ་མ་དང་མཚུངས་པ་དང་།རྒྱུ་དང་རྐྱེན་ལ་མི་བརྩོན་པ་དང་།ཕྱི་ནང་གི་ཡུལ་ལས་རྣམ་པར
311b6 དབེན་པ་དང་།སེམས་ལས་ཕྱི་རོལ་ཏུ་མི་མཐོང་བས་རིམ་གྱིས་མཚན་མ་མེད་པའི་གནས་སུ་འཇུག་པ་དང་།རིམ་གྱིས་ས་ནས་སར་ཏིང་ངེ་འཛིན་གྱི་སྤྱོད་ཡུལ་ལ་འཇུག་པ་དང་།ཁམས
311b7 གསུམ་སྒྱུ་མ་ལྟ་བུར་ཤིན་ཏུ་མོས་ཤིང་སོ་སོར་རབ་ཏུ་རྟོག་པས་སྒྱུ་མ་ལྟ་བུའི་ཏིང་ངེ་འཛིན་རབ་ཏུ་འཐོབ་པར་འགྱུར་རོ།།རང་གི་སེམས་སྣང་བ་ལས་འདས་ཤིང་སྣང་བ་མེད་པ་ལ
iiif viewer powered by OpenSeadragon
