| e-texts navigator |
| Wylie |
310b1 དུས་དང་།གནས་པ་དང་།རྐྱེན་རྣམས་ལས་ཕུང་པོ་དང་།ཁམས་དང་།སྐྱེ་མཆེད་རྣམས་སྐྱེ་བ་དང་།གནས་པ་འམ།ཡང་ན་སྐྱེས་ནས་ཀྱང་འཇིག་པར་འགྱུར་བར་འདོད
310b2 དེ།བློ་གྲོས་ཆེན་པོ་དེ་དག་ནི་རྒྱུན་ནམ།བྱ་བ་འམ།སྐྱེ་བ་འམ།སྲིད་པ་འམ།མྱ་ངན་ལས་འདས་པ་འམ།ལམ་མཱམ།ལས་སམ?།འབྲས་བུ་འམ།བདེན་པ་རྣམ
310b3 པར་འཇིག་པའམ།ཆད་པར་སྨྲ་བར་འགྱུར་རོ།།དེ་ཅིའི་ཕྱིར་ཞེ་ན།གང་འདི་མངོན་སུམ་དུ་མི་དམིགས་ཤིང་ཐོག་མ་མི་མཐོང་སྟེ།དེའི་ཆ་མ་ཡིན་པའི་ཕྱིར་རོ།།བློ་གྲོས
310b4 ཆེན་པོ་དཔེར་ན་རྫ་མ་ཆག་ནས་གྱོ་མོར་གྱུར་པ་ནི་རྫ་མའི་བྱ་བ་མི་བྱེད་དོ།།ས་བོན་ཚིག་པའང་མྱུ་གུའི་བྱ་བ་མི་བྱེད་དེ།དེ་བཞིན་དུ་བློ་གྲོས་ཆེན་པོ་ཕུང་པོ་དང་།ཁྲིམས་དང་།སྐྱེ
310b5 མཆེད་ཀྱི་དངོས་པོ་དག་འགྲགས་པ་དང་།འགག་པ་དང་།འགག་པར་འགྱུར་བ་ནི་རང་གི་སེམས་ཀྱི་རྣམ་པར་རྟོག་པས་མཐོང་སྟེ།རྒྱུ་མེད་པའི་ཕྱིར་དེ་དག་ནི་རིམ་གྱིས་སྐྱེ་བ་མེད
310b6 དོ།།བློ་གྲོས་ཆེན་པོ་གལ་ཏེ་ས་བོན་མེད་པ་འམ།ས་བོན་ཡོད་པ་ལྔས་རྣམ་པར་ཤེས་པ་རྣམས་རྐྱེན་གསུམ་དང་ཕྲད་པ་ལས་སྐྱེ་བ་ཞིག་ཡིན་ན་ནི་རུས་སྦལ་ལས་སྤུ་སྐྱེ་བ་དང་།བྱེ
310b7 མ་ལས་ཀྱང་འབྲུ་མར་འབྱུང་བར་འགྱུར་བའི་རིགས་ཏེ།འོ་ན་ནི་ཁྱོད་ཀྱི་དམ་བཅས་པ་ལས་ཉམས་ཤིང་ངེས་པའི་དོན་དང་ཡང་འགལ་བར་འགྱུར་རོ།།ས་བོན་ཡོད་པ
iiif viewer powered by OpenSeadragon
