| e-texts navigator |
| Wylie |
309b1 པར་ཤེས་པའི་རྒྱུན་འགག་པ་ཡིན་ན་ནི།ཐོག་མ་མེད་པའི་དུས་ཀྱི་རྒྱུན་ཀྱང་ཆད་པར་འགྱུར་བའི་རིགས་སོ།།བློ་གྲོས་ཆེན་པོ་མུ་སྟེགས་ཅན་རྣམས་རྒྱུན་སྐྱེ་བའི་རྒྱུ་ནི་མིག་གི
309b2 རྣམ་པར་ཤེས་པ་གཟུགས་དང་།སྣང་བ་འདུས་པ་ལས་སྐྱེ་བ་མ་ཡིན་གྱི།གུད་ན་ཐ་དད་པའི་རྒྱུ་ཡོད་དོ་ཞེས་སྨྲའོ།།བློ་གྲོས་ཆེན་པོ་རྒྱུ་དེ་ནི་གཙོ་བོ་དང་།མཆོག་དང་།སྐྱེས
309b3 བུ་དང་།དབང་ཕྱུག་དང་།དུས་དང་།རྡུལ་ཕྲ་མོ་རྣམས་སོ།།གཞན་ཡང་བློ་གྲོས་ཆེན་པོ་རང་བཞིན་རྣམ་པ་བདུན་ཡོད་དེ།འདི་ལྟ་སྟེ།འདུ་བ་དངོས་པོའི་རང་བཞིན་དང་།།
309b4 མཚན་ཉིད་ཀྱི་རང་བཞིན་དང་།འབྱུང་བ་ཆེན་པོའི་དངོས་པོའི་རང་བཞིན་དང་།རྒྱུའི་རང་བཞིན་དང་།རྐྱེན་གྱི་རང་བཞིན་དང་།མངོན་པར་གྲུབ་པའི་རང་བཞིན་ནོ།།
309b5 གཞན་ཡང་བློ་གྲོས་ཆེན་པོ་དོན་དམ་པ་རྣམ་པ་བདུན་ཡོད་དེ།འདི་ལྟ་སྟེ།སེམས་ཀྱི་སྤྱོད་ཡུལ་དང་།ཤེས་རབ་ཀྱི་སྤྱོད་ཡུལ་དང་།ཡེ་ཤེས་ཀྱི་སྤྱོད་ཡུལ་དང་།ལྟ་བའི་སྤྱོད
309b6 ཡུལ་དང་།ལྟ་བ་གཉིས་ལས་འདས་པའི་སྤྱོད་ཡུལ་དང་།སྦས་ཀྱི་ས་ལས་འདས་པའི་སྤྱོད་ཡུལ་དང་།དེ་བཞིན་གཤེགས་པ་ཉིད་བྱོན་པའི་སྤྱོད་ཡུལ་ཏེ།བློ་གྲོས་ཆེན་པོ
309b7 འདི་དག་འདས་པ་དང་།མ་འོངས་པ་དང་།ད་ལྟར་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་དངོས་པོའི་རང་བཞིན་དོན་དམ་པའི་སྙིང་པོའོ།།།
iiif viewer powered by OpenSeadragon
