| e-texts navigator |
| Wylie |
308a1 པའང་རྣམ་པ་གཉིས་ཏེ།འདི་ལྟ་སྟེ།རྒྱུན་འགག་པ་དང་།མཚན་ཉིད་འགྲག་པའོ།།དེ་ལ་རྣམ་པར་ཤེས་པ་རྣམས་ཀྱི་མཚན་ཉིད་ནི་རྣམ་པ་གསུམ་སྟེ།
308a2 འདི་ལྟ་སྟེ།འཇུག་པའི་མཚན་ཉིད་དང་།ལས་ཀྱི་མཚན་ཉིད་དང་།ཡང་དག་པའི་མཚན་ཉིད་དོ།།བློ་གྲོས་ཆེན་པོ་མདོར་བསྡུ་ན་ནི་རྣམ་པར་ཤེས་པ་གསུམ་ཡོད་དོ།།
308a3 རྒྱས་པར་བཤད་ན་ནི་མཚན་ཉིད་རྣམ་པ་བརྒྱད་ཡོད་དེ།རྣམ་པ་གསུམ་པོ་དག་གང་ཞེ་ན།འདི་ལྟ་སྟེ།ཡང་དག་པའི་རྣམ་པར་ཤེས་པ་དང་།སྣང་བའི་རྣམ་པར
308a4 ཤེས་པ་དང་།དངོས་པོ་སོ་སོར་རྣམ་པར་རྟོག་པའི་རྣམ་པར་ཤེས་པའོ།།བློ་གྲོས་ཆེན་པོ་དཔེར་ན་མེ་ལོང་རབ་ཏུ་གསལ་བྱས་གཟུགས་བརྙན་རྣམས་འཛིན་པར་བྱེད
308a5 པ་དེ་བཞིན་དུ་སྣང་བའི་རྣམ་པར་ཤེས་པ་སྣང་བའང་དེ་བཞིན་ནོ།།བློ་གྲོས་ཆེན་པོ་སྣང་བའི་རྣམ་པར་ཤེས་པ་དང་།དངོས་པོ་སོ་སོར་རྣམ་པར་རྟོག་པའི་རྣམ་པར་ཤེས
308a6 པ་དེ་གཉིས་ནི་འཇིག་པ་དང་།མི་འཇིག་པའི་མཚན་ཉིད་དེ་གཅིག་གི་རྒྱུ་གཅིག་གོ།བློ་གྲོས་ཆེན་པོ་བསམ་གྱིས་མི་ཁྱབ་པའི་བག་ཆགས་ཡོངས་སུ་བསྒོས་པ་དང་།
308a7 བསམ་གྱིས་མི་ཁྱབ་པའི་ཡོངས་སུ་འགྱུར་བ་ནི་སྣང་བའི་རྣམ་པར་ཤེས་པའི་རྒྱུའོ།།བློ་གྲོས་ཆེན་པོ་ཡུལ་སྣ་ཚོགོས་ལེན་པ་དང་།ཐོག་མ་མེད་པའི་དུས་ཀྱི
iiif viewer powered by OpenSeadragon
