| e-texts navigator |
| Wylie |
304b1 ཅི་ཕྱིར་མངོན་ཤེས་འཇིག་རྟེན་པ།།ཅི་ཕྱིར་དགེ་སློང་ཞེས་ནི་བརྗོད།།སྤྲུལ་པའི་སངས་རྒྱས་ཇི་ལྟ་བུ།།རྣམ་སྨིན་སངས་རྒྱས་ཇི་ལྟ་བུ།།དེ་བཞིན་ཉིད་ཀྱི་སངས་རྒྱས་གང་།།
304b2 མཉམ་ཉིད་ཡེ་ཤེས་སངས་རྒྱས་དང་།།དགེ་འདུན་རྣམས་ཀྱང་ཇི་ལྟ་བུ།།རྒྱལ་སྲས་དེ་བཞིན་དྲི་བའི་རིགས།།དགུ་པོ་རྒྱུད་མང་མེ་ཏོག་རྔ།།ཞིང་དང་སྣང་བ་སྤངས་པ་དང་།།
304b3 སེམས་ཙམ་ས་ནི་བདུན་པོ་དག།དྲིས་པ་རྣམས་ནི་ཡང་དག་ཉིད།།འདི་དང་གཞན་ཡང་རབ་མང་བའི།།དྲི་བ་དག་ནི་རྒྱལ་སྲས་དྲིས།།རེ་རེ་མཚན་ཉིད་རབ་ལྡན་ཞིང་།།ལྟ
304b4 བའི་ཉེས་པ་རྣམ་སྤངས་པ།།གྲུབ་མཐའི་བརྗོད་དང་བྲལ་བ་སྟེ།།ངས་ནི་ད་འདིར་བསྟན་པར་བྱ།།གོ་རིམས་རྣམ་པར་བཞག་པའི་ཚིག།རྒྱལ་བའི་སྲས་ཀྱིས་ལེགས་པར
304b5 ཉོན།།ཚིག་བརྒྱ་རྩ་བརྒྱད་འདི་དག་ནི།།སངས་རྒྱས་རྣམས་ཀྱིས་གསུངས་བཞིན་བཤད།།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་ཆེན་པོས་བཅོམ་ལྡན
304b6 འདས་ལ་འདི་སྐད་ཅེས་གསོལ་ཏོ།།བཅོམ་ལྡན་འདས་ཚིག་བརྒྱ་རྩ་བརྒྱད་པོ་དག་གང་ལགས།བཅོམ་ལྡན་འདས་ཀྱིས་བཀའ་སྩལ་པ།སྐྱེ་བའི་ཚིག་དང་།མི་སྐྱེ་བའི
304b7 ཚིག་དང་།རྟག་པའི་ཚིག་དང་།མི་རྟག་པའི་ཚིག་དང་།མཚན་ཉིད་ཀྱི་ཚིག་དང་།མཚན་ཉིད་མེད་པའི་ཚིག་དང་།གནས་པ་གཞན་དུ་འགྱུར་བའི་ཚིག་དང་།གནས
iiif viewer powered by OpenSeadragon
