| e-texts navigator |
| Wylie |
300a1 འགྱུར།།རྒྱལ་བའི་སྲས་སུ་ཇི་ལྟར་འགྱུར།།མངོན་པར་ཤེས་དང་དབང་རྣམས་དང་།།ཏིང་འཛིན་རྣམས་ནི་ཇི་ལྟར་འཐོབ།།ཏིང་འཛིན་སེམས་ནི་ཇི་ལྟ་བུ།།
300a2 རྒྱལ་བས་བདག་ལ་བཤད་དུ་གསོལ།།ཅི་སླད་ཀུན་གཞི་ཞེས་བགྱི་ལགས།།ཡིད་དང་རྣམ་ཤེས་ཇི་ལྟ་བུ།།སྐྱེ་དང་འཇིག་པ་ཇི་ལྟ་བུ།།ཇི་ལྟར་མཐོང་ནས་སླར་ཡང་ལྡོག།
300a3 ཇི་ལྟ་བུར་ན་རིགས་སུ་འགྱུར།།རིགས་མ་མཆིས་དང་སེམས་ཙམ་དང་།།སྒོ་འདོགས་མཚན་ཉིད་ཇི་ལྟ་བུ།།བདོག་མེད་དོན་དུ་ཇི་ལྟར་འགྱུར།།སེམས་ཅན་མ་མཆིས་ཇི་ལྟ་བུ།།
300a4 ཀུན་རྫོབ་བཤད་པ་ཇི་ལྟ་བུ།།ཇི་ལྟར་རྟག་དང་ཆད་པ་ཡི།།ལྟ་བ་རབ་ཏུ་འབྱུང་མི་འགྱུར།།ཇི་ལྟར་སངས་རྒྱས་མུ་སྟེགས་དག།མཚན་ཉིད་རྣམས་ཀྱིས་འགལ་མི་འགྱུར།།
300a5 ཇི་ལྟར་མ་འོངས་དུས་དག་ན།།སྡེ་པ་ཐ་དད་འབྱུང་བར་འགྱུར།།ཇི་ལྟར་སྟོང་ཉིད་རྒྱུ་ཅི་ཡིས།།ཇི་ལྟར་སྐད་ཅིག་འཇིག་པར་འགྱུར།།མངལ་གྱི་སྙིང་པོར་ཇི་ལྟར་སྐྱེ།།ཇི
300a6 ལྟར་འཇིག་རྟེན་གྱིས་མི་གཡོས།།ཇི་ལྟར་སྒྱུ་མ་རྨི་ལམ་འདྲ།།དེ་བཞིན་དྲི་ཟའི་གྲོང་ཁྱེར་དང་།།འཇིག་རྟེན་སྨིག་རྒྱུ་ལྟ་བུ་དང་།།ཆུ་ཟླ་དང་ནི་འོད་དག་དང་།།བྱང་ཆུབ
300a7 ཡན་ལག་ཅི་སླད་གསུངས།།དེ་བཞིན་བྱང་ཆུབ་ཕྱོགས་རྣམས་ཀྱང་།།ཡུལ་རྣམས་ཅི་སླད་འཁྲུག་པར་འགྱུར།།ཅི་སླད་སྲིད་པར་ལྟ་བར་བགྱིད།།ཇི་ལྟར་སྐྱེ་འགག
iiif viewer powered by OpenSeadragon
