| e-texts navigator |
| Wylie |
299a1 མེད་མི་དམིགས་ཀྱང་།།ཐུགས་རྗེ་ཆེན་པོ་རབ་ཏུ་སྐྱེ།།གང་ཟག་ཆོས་ལ་བདག་མེད་དང་།།ཉོན་མོངས་ཤེས་བྱ་རབ་མཁྱེན་ཅིང་།།རྟག་ཏུ་དག་ཅིང་མཚན
299a2 མེད་ཀྱང་།།ཐུགས་རྗེ་ཆེན་པོ་རབ་ཏུ་སྐྱེ།།ཀུན་ལས་མྱ་ངན་མི་འདའ་སྟེ།།མྱ་ངན་འདས་སངས་རྒྱས་མི་དམིགས།།སངས་རྒྱས་མྱ་ངན་འདའ་མི་དམིགས།།བློ་དང་རིག་པར
299a3 བགྱི་དང་བྲལ།།ཡོད་པ་དང་ནི་མེད་པའི་ཕྱོགས།།གཉིས་པོ་དེ་དག་ཤིན་ཏུ་སྤངས།།ཐུབ་པ་ཞི་བའི་རྣལ་འབྱོར་པ།།སྐྱེ་བ་དག་ནི་རབ་སྤངས་པས།།དེ་ནི་ལེན་མི་མངའ་ཞེས
299a4 བགྱི།།འདི་དང་གཞན་དུ་རྣམ་པར་དག།དེ་ནས་བྱང་ཆུབ་སེམས་དཔའ་བློ་གྲོས་ཆེན་པོས་བཅོམ་ལྡན་འདས་ལ་ཚིགས་སུ་བཅད་པ་དེ་དག་གིས་མངོན་པར་བསྟོད་ནས་རང་གི
299a5 རིགས་དང་མིང་བརྗོད་དེ་གསོལ་པ།བདག་མིང་བློ་གྲོས་ཆེན་པོ་སྟེ།།ཐེག་ཆེན་ཁོང་དུ་ཆུད་པར་རྟོགས།།དེང་འདིར་བརྒྱ་རྩ་བརྒྱད་ཀྱི་དོན།།བླ་མའི་མཆོག་ལ་ཞུ་བར་བགྱི།།
299a6 འཇིག་རྟེན་མཁྱེན་པའི་སྐྱེས་མཆོག་གིས།།ཚིགས་བཅད་དེ་ནི་གསུན་པ་དང་།།འཁོར་རྣམས་ལ་ནི་རྣམ་གཟིགས་ནས།།རྒྱལ་སྲས་རྣམས་ལ་བཀའ་སྩལ་པ།།ཁྱོད་ལ་སོགས
299a7 པརྒྱལ་སྲས་རྣམས།།ཅི་དང་ཅི་འདོད་དྲིས་ཤིག་དང་།།སོ་སོ་རང་གི་སྤྱོད་ཡུལ་ནི།།ངས་ནི་ཁྱེད་ལ་བཤད་པར་བྱ།།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བློ
iiif viewer powered by OpenSeadragon
