| e-texts navigator |
| Wylie |
72b1 ཤིང་མངོན་པར་ཞོན་པར་གྱུར་པའི་སེམས་ཅན་ཐམས་ཅད་ཀྱི་རང་བཞིན་དང་མཐུན་པ་ཇི་ལྟ་བ་བཞིན་དུ་རྩོལ་བ་མེད་པའི་ཡེ་ཤེས་ཀྱིས་ཅི་རིགས་པར་ཆོས་སྟོན་པར་བྱེད་ཀྱང་ཆོས་ཀྱི་དབྱིངས་ལྔ།།
72b2 མཚན་ཉིད་གཉིས་སུ་གྱུར་པ་མེད་དེ།སྒྲ་དང་དྲི་དང་རོ་དང་རེག་བྱ་དང་ཆོས་ཀྱི་བར་དུ་ཡང་དེ་བཞིན་དུ་རྒྱས་པར་སྦྱར་ཏེ།གློག་ཐོབ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི
72b3 ཆོས་ཀྱི་གཏེར་ཞེས་བྱའོ།།བྱང་ཆུབ་སེམས་དཔའ་གང་གིས་གཏེར་འདི་ཐོབ་པར་གྱུར་ན་སྤྱོད་ཡུལ་རྣམས་ལ་རྨོངས་པར་གྱུར་པའི་སེམས་ཅན་དེ་ལྟ་བུ་དག་ཡོངས་སུ་གདུལ་བར་འདོད་པའི
72b4 ཕྱིར།དེ་དག་གི་མོས་པ་ཇི་ལྟ་བ་བཞིན་དུ་དེ་དག་རེ་རེ་ལ་ཡང་བསྐལ་པ་འམ་བསྐལ་པ་ལས་ལྷག་པར་ཚིག་རྣམ་པ་སྣ་ཚོགས་ཀྱི་ཐབས་ལ་མཁས་པས་ཆོས་སྟོན་པར་བྱེད་ཀྱང་དེ་དག་གི
72b5 མཐའ་ཡང་རྙེད་པར་མི་འགྱུར་ལ།བྱང་ཆུབ་སེམས་དཔའི་ཤེས་རབ་ལ་ཡང་འགྲིབ་པ་མེད་ཅིང་ཆོས་ཀྱི་དབྱིངས་དང་མི་འགལ་བར་གཉིས་སུ་མེད་ཅིང་དབྱེར་མེད་པའི་རྗེས་སུ་འབྲང་བ
72b6 གང་ཡིན་པ་འདི་ནི།བྱང་ཆུབ་སེམས་དཔའ་ཐབས་ལ་མཁས་པས་ཆོས་ཐམས་ཅད་དབྱེར་མེད་པའི་མཚན་ཉིད་བསྟན་པས་འཐོབ་པའི་ཆོས་ཀྱི་གཏེར་ཞེས་བྱའོ།།ཆོས་ཀྱི་གཏེར་འདིས
72b7 སེམས་ཅན་དག་ལ་ཅི་རིགས་པར་ཆོས་བསྟན་ནས་ཟད་མི་ཤེས་པའི་ཆོས་ཀྱི་གཏེར་ཕུན་སུམ་ཚོགས་པར་གྱུར་ཏེ།འཁོར་བའི་རྒུད་པ་གཏན་དུ་སྤོང་བ་གང་ཡིན་པ་འདི་ནི་གློག་ཐོབ་བྱང
iiif viewer powered by OpenSeadragon
