| e-texts navigator |
| Wylie |
71a1 ལ་མགོ་བོས་གཏུགས་ནས་ཕྱག་བྱས་ཏེ་ཕྱོགས་གཅིག་ཏུ་འདུག་ནས།བཅོམ་ལྡན་འདས་དེ་ལ་འདི་སྐད་ཅེ་ས་གསོལ་ཏོ།།བཅོམ་ལྡན་འདས་བདག་ནི་དང་དེ་བཞིན་གཤེགས
71a2 པའི་བསྟན་པ་ལ་རབ་ཏུ་བྱུང་ནས་ལམ་བསྒྲུབ་པར་འཚལ་ལོ་ཞེས་གསོལ་པ་དང་།བཅོམ་ལྡན་འདས་ཀྱིས་བཀའ་སྩལ་པ།དེ་རིགས་སོ།།དགེ་སློང་ལེགས་པར་འོངས་སོ་ཞེས་གསུངས་མ་ཐག་ཏུ
71a3 དགེ་སློང་གི་དངོས་པོར་གྱུར་ནས་བསྙེན་པར་རྫོགས་པར་གྱུར་ཏོ།།དེ་ནས་དེ་བཞིན་གཤེགས་པ་མཆོག་ཏུ་སྐྱེས་པས་དེའི་ལྷག་པའི་བསམ་པ་ཐུགས་ཀྱིས་མཁྱེན་ནས་མཐར་གྱིས་ཡོངས་སུ
71a4 སྨིན་པར་མཛད་ནས་བྱང་ཆུབ་སེམས་དཔའི་སྤྱོད་པ་རྣམས་རྒྱ་ཆེར་ཡང་དག་པར་བསྟན་པར་འཇིགས་སུ་རུང་བ་ཐོས་ནས་སངས་རྒྱས་ཀྱི་བསྟན་པ་ལ་ཕྱིར་མི་ལྡོག་པ་ཐོབ་པར་གྱུར་ཏོ།།གླང་དེ
71a5 ཡང་དེ་བཞིན་གཤེགས་པ་དེས་རྟེན་ཅིང་འབྲེལ་པར་འབྱུང་བའི་ཆོས་ཀྱི་ཚིག་སྟོན་པའི་གསུང་སྒྲ་ཤིན་ཏུ་གྱ་ནོམ་པ་ཐོས་ནས་སེམས་ལྔ་རབ་ཏུ་དགའ་བ་སྐྱེས་པས།ཤི་འཕོས་པའི་འོག་ཏུ་དགའ་ལྡན
71a6 ལྷའི་གནས་སུ་སྐྱེས་ནས་བྱམས་པ་དང་ཕྲད་དེ་ཡང་དག་པའི་དད་པ་དང་ལྡན་པར་འགྱུར་རོ།།གློག་ཐོབ་དེ་ལྟར་ན་སེམས་ཅན་རྣམས་ཀྱི་སྤྱོད་པ་ནི་ཤིན་ཏུ་ཟབ་པ་དང་།རྣམ་པར་རིག་པར་དཀའ་ནི
71a7 ཤེས་པར་དཀའ་བ་ཡིན་ཏེ།དེའི་ཕྱིར་གློག་ཐོབ་བྱང་ཆུབ་སེམས་དཔའ་གང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡོངས་སུ་གཉེར་བར་འདོད་པས།སེམས་ཅན་གྱི་དབང་པོ་དང
iiif viewer powered by OpenSeadragon
