| e-texts navigator |
| Wylie |
55a1 འགའ་ནི་མཐོང་བ་ཙམ་གྱིས་འདོད་ཆགས་ཀྱི་སེམས་དང་བྲལ་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡོངས་སུ་སྨིན་པར་བྱེད་པ་ཡང་ཡོད་པས།དེའི
55a2 ཕྱིར་གློག་ཐོབ་བྱང་ཆུབ་སེམས་དཔའ་ནི་འདོད་ཆགས་ཀྱི་ནད་རྣམ་པ་སྣ་ཚོགས་གང་ཡིན་པ་དང་།འདོད་ཆགས་ཀྱི་སྨན་གང་ཡིན་པ་དེ་དག་ཐིབས་མོ་ཁས་པས་ལེགས་པར
55a3 ཁོང་དུ་ཆུད་ཀྱང་།ཆོས་ཀྱི་དབྱིངས་ལ་གཉིས་སུ་འདིན་པའི་མཚན་མ་ཡང་མེད་ལ།ཆོས་ཀྱི་དབྱིངས་ལ་རྨོངས་པར་གྱུར་པའི་སེམས་ཅན་དག་ལ་ཡང་སྙིང་རྗེ་ཆེན་པོ་བསྐྱེད
55a4 པར་བྱེད་དོ།།གློག་ཐོབ་འདོད་ཆགས་དང་།ཞེ་སྡང་དང་།གཏི་མུག་ཅེས་བྱ་བ་དང་།ཆོས་ཀྱི་དབྱིངས་ཀྱི་ཡེ་ཤེས་ཤེས་བྱ་བའི་ཆོས་ཅུང་ཟད་ཙམ་ཡང་དམིགས་སུ་མེད་པས།།
55a5 བྱང་ཆུབ་སེམས་དཔའ་འདི་སྙམ་དུ་བདག་གིས་མཐོང་བ་ལྟར་ན།སེམས་ཅན་རྣམས་ནི་མཚན་མ་མེད་པ་རང་བཞིན་གྱིས་སྟོང་ཞིང་དབེན་པ།བཏགས་པ་ཙམ་དུ་རྣམ་པར་གཞག་པ།
55a6 ཚོགས་ཤིང་འདུས་པའི་ཆོས་འདི་ལ་འདོད་ཆགས་དང་།ཞེ་སྡང་དང་།གཏི་མུག་བསྐྱེད་པར་བྱེད་པས།བདག་གིས་འདི་དག་ཡང་དག་པ་ཇི་ལྟ་བ་བཞིན་དུ་སོ་སོར་བརྟགས་ནས།
55a7 འདོད་ཆགས་ཀྱིས་རྨོངས་པར་གྱུར་པའི་སེམས་ཅན་དེ་དག་གི་ཆེད་དུ་སྙིང་རྗེ་ཆེན་པོ་ལ་གནས་ནས།སྔོན་གྱི་སྨོན་ལམ་ཡོངས་སུ་རྫོགས་པར་བྱའོ།།ཆོས་ཀྱི་དབྱིངས་ལས་མ
iiif viewer powered by OpenSeadragon
