| e-texts navigator |
| Wylie |
53b1 འདི་ལྟ་བུ་ཞུས་པ་ལེགས་སོ།།ལེགས་སོ།།དེའི་ཕྱིར་གློག་ཐོབ་ཤིན་ཏུ་ལེགས་པར་ཉོན་ལ་ཡིད་ལ་ཟུང་ཤིག་དང་།ཁྱོད་ལ་ཡང་དག་པར་བསྟན་པར་བྱའོ།།བྱང་ཆུབ
53b2 སེམས་དཔའ་གློག་ཐོབ་ཀྱིས་བཅོམ་ལྡན་འདས་དེ་བཞིན་དུ་ཐོས་པར་འཚལ་ལོ་ཞེས་གསོལ་པ་དང་།བཅོམ་ལྡན་འདས་ཀྱིས་བཀའ་སྩལ་པ།གློག་ཐོབ་བྱང་ཆུབ་སེམས་དཔའ་རྣམས
53b3 ནི་གཏེར་ཆེན་པོ་དང་།ཟད་མི་ཤེས་པའི་གཏེར་དང་།ཀུན་དུ་ཟད་མི་ཤེས་པའི་བཏེར་དང་།མཐའ་མེད་པའི་གཏེར་རྣམ་པ་ལྔ་དང་ལྡན་པ་སྟེ།བྱང་ཆུབ་སེམས་དཔའ་དེ་ལྟ་བུའི་གཏེར་ཕུན
53b4 སུམ་ཚོགས་པར་གྱུར་པས།རྒུང་པ་རྣམས་གཏན་དུ་སྤོང་ཞིང་།གོང་དུ་བསྟན་པ་ལྟ་བུའི་ཡོན་ཏན་ཁྱད་པར་དུ་འཕགས་པ་ཡང་ཡོངས་སུ་རྫོགས་པར་བྱེད་ལ།ཚེགས་ཆུང་ངུས་མྱུར་དུ་བླ
53b5 ན་མེད་པ་ཡང་དག་པར་རྫོགས་པའི་བྱང་ཆུབ་ཀྱང་འཐོབ་པར་འགྱུར་རོ།།ལྔ་གང་ཞེ་ན་འདི་ལྟ་སྟེ།འདོད་ཆགས་སྤྱོད་པའི་གཏེར་དང་།ཞེ་སྡང་སྤྱོད་པའི་གཏེར་དང་།གཏི་མུག་སྤྱོད་པའི
53b6 གཏེར་དང་།ཆུ་མཉམ་པ་སྤྱོད་པའི་གཏེར་དང་།ཆོས་ཐམས་ཅད་ཀྱི་གཏེར་གང་ཡིན་པའོ།།གློག་ཐོབ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་འདོད་ཆགས་སྤྱོད་པའི
53b7 གཏེར་ཞེས་བྱ་བ་ཇི་ལྟ་བུ་ཡིན་ཞེ་ན།འདི་ལྟ་སྟེ།སེམས་ཅན་རྣམས་ནི་འདོད་ཆགས་ཀྱི་སྤྱོད་པའི་རྗེས་སུ་མཐུན་ཞིང་ཕྱིན་ཅི་ལོག་གིས་བཅིངས་པས།མཚན་མ་རྣམས་ཀྱི་རྗེསུ་གཟུགས
iiif viewer powered by OpenSeadragon
