| e-texts navigator |
| Wylie |
52b1 དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་གློག་ཐོབ་ཀྱིས།བཅོམ་ལྡན་འདས་ཀྱི་སྤྱན་སྔར་ཚིགས་སུ་བཅད་དེ་ཞུ་བ་ཞུས་པ།བླ་ན་མ་མཆིས་མི་ཡི་གཙོ།།མཁྱེན་དང་གཟིགས་པ་ཚད་མ
52b2 མཆིས།།མ་འདྲེས་ཆོས་ལ་བཞུགས་ནས་ནི།།འཇིག་རྟེན་རྣམས་ལ་ཕན་འདོགས་མཛད།།སེམས་ཅན་ཀུན་ལ་སྙོམས་པར་གཟིགས།།འཇིག་རྟེན་ཀུན་གྱི་མགོན་སྐྱབས་མཛད།།
52b3 ལོག་དང་ཡང་ངག་ལམ་བསྟན་ནས།།མཐར་ཐུག་བདེ་ལ་དཀོད་པར་མཛད།།ཡོན་ཏན་མཆོག་ནི་རབ་བསགས་པས།།རིན་ཆེན་སྣ་ཚོགས་ཕུང་པོ་འདྲ།།འཇིག་རྟེན་ཤེས་རབ་ཉི་མ
52b4 ཁྱོད།།ཁམས་གསུམ་མཆོད་འོས་གཙོ་བོ་ལགས།།ཐེག་པ་ཆེན་པོ་བཀྲས་བཤད་ནས།།བྱང་ཆུབ་ལམ་ནི་རྫོགས་པར་མཛོད།།ཞལ་མཚན་ཟླ་བ་ཉ་བ་འདྲ།།ཞི་གནས་དག་ནི
52b5 ཕུན་སུམ་ཚོགས།།ཉེར་ཞི་ཆོས་ནི་རབ་བསྟན་ནས།།ཉོན་མོངས་རྣམས་ནི་ཞི་བར་མཛད།།བྱང་ཆུབ་སྤྱོད་པ་བཀས་བཤད་ནས།།སེམས་ཅན་རྣམས་ལ་ཕན་མཛད་གསོལ།།སངས
52b6 རྒྱས་ཞིང་དང་སྐུ་ཚེ་དང་།།གཟུགས་སྐུ་དང་ནི་འཁོར་རྣམས་དང་།།ཕྲིན་ལས་གསུམ་དང་ཆོས་རྣམས་ཀྱང་།།ཐམས་ཅད་ཀུན་ནི་རྣམ་པར་དག།བཅོམ་ལྡན་བྱང་ཆུབ་སེམས་དཔའ་ཡི།།
52b7 རྣམ་དག་སྤྱོད་པ་བཀས་བཤད་གསོལ།།ཇི་ལྟར་བདུད་ནི་འདུལ་བར་བགྱི།།ཇི་ལྟར་ཆོས་རྣམས་བསྟན་པར་བགྱི།།ཇི་ལྟར་དྲན་པ་ཉམས་མི་འགྱུར།།ཁྱོད་ཀྱི་དཀས་ནི་བཤད་དུ
iiif viewer powered by OpenSeadragon
