| e-texts navigator |
| Wylie |
52a1 སངས་རྒྱས་ཀྱིས་ཁྱོད་ལ་སྐབས་ཕྱེས།ཁྱོད་ཅི་དང་ཅི་འདོད་པ་དྲིས་ཤིག་དང་།ཁྱོད་ལ་ཡང་དག་པར་བསྟན་པར་བྱའོ།།དེ་ནས་བཅོམ་ལྡན་འདས་ལ
52a2 བྱང་ཆུབ་སེམས་དཔའ་གློག་ཐོབ་ཀྱིས་འདི་སྐད་ཅེས་གསོལ་ཏོ།།བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཇི་ལྟ་བུ་ཞིག་དང་ལྡན་པར་གྱུར་ན།།
52a3 བསམ་པ་ཐམས་ཅད་ཡོངས་སུ་རྫོགས་པར་བགྱིད་ཅིང་།སྐྱོན་རྣམས་ཀྱིས་གོས་པར་མི་འགྱུར་བ་དང་།དབང་པོ་དང་།རང་བཞིན་ཇི་ལྟ་བ་བཞིན་དུ་ཐབས་མཁས་པས
52a4 སེམས་ཅན་དེ་དག་དྲངས་ཏེ།ལུས་ཞིག་པའི་འོག་ཏུ་ངན་འགྲོ་རྣམས་སུ་ལྟུང་བར་མི་འགྱུར་ཞིང་།གདོན་མི་འཚལ་བར་མཉམ་པ་ཉིད་རྟོགས་པར་འགྱུར་བ་དང་།འཇིག
52a5 རྟེན་ན་གནས་ཀྱང་པདྨ་བཞིན་སྐྱོན་གྱིས་གོས་པར་མི་འགྱུར་བ་དང་།ཆོས་ཀྱི་དབྱིངས་ལས་མ་གཡོས་པར་ཡང་སངས་རྒྱས་ཀྱི་ཞིང་ཀུན་ཏུ་རྒྱུ་ཞིང་།རྟག་པར་དེ་བཞིན་གཤེགས
52a6 པའི་གཟུགས་ཀྱི་སྐུ་མཐོང་བ་དང་།འབྲལ་བར་མི་འགྱུར་བ་དང་།རྣམ་པར་ཐར་པ་གསུམ་ལ་རབ་ཏུ་གནས་ཀྱང་སྙོམས་པར་མི་འཇུག་པར་སེམས་ཅན་གྱིས་མོས་པ་ཇི་ལྟ་བ་བཞིན
52a7 དུ།སངས་རྒྱས་ཀྱི་ཞིང་གི་བཀོད་པ་ཡོངས་སུ་སྦྱངས་ནས་སྐད་ཅིག་མ་གཅིག་ལ་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་འཚང་རྒྱ་བར་འགྱུར་ལགས།
iiif viewer powered by OpenSeadragon
