| e-texts navigator |
| Wylie |
361b1 ཡིན།གང་དག་ཆུ་ཀླུང་དག་ཏུ་ཨུད་པ་ལ་རྩཝ་ཚོལ་ལྟར།།ལོག་པར་ལྟ་བས་ཡོངས་སུ་འཁོར་བར་བྱེད་པ་ཡིན།།བདེ་བའི་དོན་དུ་བདག་ཉིད་ཡོངས་སུ་སྐྱོང་བྱེད་ཅིང་།།ཆོས་མ་ཡིན།
361b2 ལ་ཆགས་པའི་མི་རྣམས་མང་པོ་དྲག།དེ་བཞིན་བདེ་བའི་རྒྱུ་ཕྱིར་འདོད་པ་རྣམས་ཚོལ་བ།།དེ་དག་གཏི་མུག་རྨོངས་པས་སེམས་ཅན་དམྱལ་བར་འགྲོ།།གང་དག་འདོད་པ
361b3 རྣམས་ཀྱི་དོན་དུ་རྟག་ཏུ་ནི།།དེ་བཞིན་སེམས་ལ་གཅགས་པའི་སྐྱེས་བུ་ཐ་མ་དང་།།འདོད་པའི་བདག་ཉིད་ཅན་དང་སྐྱེ་བོ་སྡིག་ཅན་དང་།།འདུ་ཤེས་ལོག་པ་དག་ལ་བདེ་བ
361b4 ག་ལ་ཡོད།།མི་རྣམས་དེ་དག་བྱས་པ་མི་གྲཟོ་སྡིག་བཅས་ཤིང་།།དད་པ་རྣམ་ཉམས་ཚུལ་འཆོས་གུས་པ་མེད་པ་དང་།།འཕགས་པའི་ཚོགས་གྱིས་རྟག་ཏུ་རྣམ་པར
361b5 སྤངས་པས་ན།།དམྱལ་བ་བཟོད་རླག་ཤིན་ཏུ་འཇིགས་སུ་རུངས་པ་དང་།།གཟུགས་དང་སྒྲ་དང་རོ་ལ་ཆགས་པའི་མི་རྣམས་ནི།།བྱང་ཆུབ་སེམས་དཔའ་རྣམས་དང
361b6 མཁས་པ་མི་མཆོད་ཅིང་།།ལོག་པར་བལྟ་བཱས་ཆོས་ཀྱང་ཉན་པར་མི་བྱེད་ལ།།ལན་འགའ་འང་དགེ་འདུན་ལེགས་པར་མཆོད་པར་མི་བྱེད་པས།།འཕགས་པ་རྣམས
361b7 ཀྱིས་རྣམས་སྤངས་ངན་སོང་ལྟུང་བས་ན།།དེ་ཕྱིར་མི་ཡི་སྲིད་པ་འདི་ནི་རྙེད་པ་ལ།།སྦྱིན་དུ་ལ་ཡང་དག་སྡོམ་ལ་ངེས་པར་བསྟེན་ཅིག་དང་།།དེ་ལས་བྱང་ཆུབ་དམ་པ་མཆོག།
iiif viewer powered by OpenSeadragon
