| e-texts navigator |
| Wylie |
349b1 ཏོ།།རྒྱུ་མ་མཆིས་པར་རྣམ་འདྲེན་རྒྱལ་བ་མཆོག།སངས་རྒྱས་སྐྱོབ་པ་འཛུམ་པ་མི་སྟོན་ན།།ཅི་སླང་བཅོམ་ལྡན་ཁྱོད་ཀྱི་འཛུམ་མཛད་པ།།འཇིག་རྟེན་ཕན་དགོངས་ཐུགས་བརྩེ་བདག་ལ་གསུངས།།ཁྱོད།།
349b2 ཀྱིས་ཅི་སླང་དེ་རིང་འཛུམ་བསྟན་གསུངས།།བཀའ་མཆིད་ཆེ་ལྡན་ནོར་མཆོག་སྦྱིན་མཛད་པ།།དབུལ་པོར་གྱུར་པ་ནོར་དང་ལྡན་པར་མཛོད།།འཇིག་རྟེན་ལྡོངས་ལ་མྱུར་དུ་མིག་ཀྱང་སྩོལ།།དེ་སྐད
349b3 ཅེས་གསོལ་པ་དང་།བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་དཀའ་སྩལ་པ།ཀུན་དགའ་བོ་ཁྱོད་ཀྱིས་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད
349b4 ནས།དེ་བཞིན་གཤེགས་པའི་གན་དུ་ལྷགས་པའི་ཁྱིམ་བདག་ལྔ་བརྒྱ་ཙམ་འདི་དག་མཐོང་ངམ།གསོལ་པ།བཅོམ་ལྡན་འདས་མཐོང་ལགསོ།།བདེ་བར་གཤེགས་པ་མཐོང་ལགསོ།།བཅོམ
349b5 ལྡན་འདས་ཀྱིས་བཀའ་སྩལ་པ།ཀུན་དགའ་བོ་ཁྱིམ་བདག་ལྔ་བརྒྱ་ཙམ་འདི་དག་གིས།ཆོས་ཀྱི་རྣམ་གྲངས་འདི་ཐོས་ནས།མི་སྐྱེ་བའི་ཆོས་ལ་བཟོད་པ་ཐོབ་སྟེ།ཀུན་དགའ་བོ་ཁྱིམ་བདག།
349b6 འདི་དག་ཐམས་ཅད་ནི་སྔོན་གྱི་རྒྱལ་བའི་ལྷག་པར་བྱ་བ་བྱས་པ།དགེ་བའི་རྩ་བ་བསྐྱེད་པ།སངས་རྒྱས་བྱེ་བ་ཁྲག་ཁྲིག་བརྒྱ་སྟོང་མང་པོ་ལ་བསྙེན་བཀུར་བྱེད་པ་དག་སྟེ།ཁྱིམ་བདག་འདི
349b7 དག་འདི་ནས་ཤི་འཕོས་ནས།ནམ་དུ་ཡང་ངན་འགྲོ་ལོག་པར་ལྟུང་བར་འགྲོ་བ་མི་གྱུར་ཞིང་ཕྱིས་ཀྱང་ལྷ་དང་མི་རྣམས་ཀྱི་ནང་དུ་བདེ་བ་མྱོང་ནས།མཐར་གྱིས་དེ་བཞིན་གཤེགས་པ་དགྲ་བཅོམ
iiif viewer powered by OpenSeadragon
