| e-texts navigator |
| Wylie |
349a1 བདག་ཅག་རྙེད་པ་ལེགས་པར་རྙེད།།དེ་ནས་བཅོམ་ལྡན་འདས་ཀྱིས་དེའི་ཚེ་འཛུམ་པ་མཛད་དོ།།འདི་ནི་སངས་རྒྱས་བཅོམ་ལྡན་འདས་རྣམས་གང་གི་ཚེ་འཛུམ་པ་མཛད
349a2 པ་ན།སངས་རྒྱས་བཅོམ་ལྡན་འདས་རྣམས་ཀྱི་ཆོས་ཉིད་དེ།བཅོམ་ལྡན་འདས་ཀྱི་ཞལ་གྱི་སྒོ་ནས།འོད་འཕྲོ་བ་ཁ་དོག་སྣ་ཚོགས།།ཁ་དོག་དུ་མ་བྱུང་བ་འདི་ལྟ་སྟེ།།སྔོན་པོ་དང་།སེར་པོ
349a3 དང་།དམར་པོ་དང་།དཀར་པོ་དང་།ལེབ་རྒན་དང་།ཤེལ་དང་།དངུལ་གྱི་ཁ་དོག་ལྟ་བུ་དག་སྟེ།འོད་དེས་འཇིག་རྟེན་གྱི་ཁམས་མཐའ་ཡས་མུ་མེད་དག་ཁྱབ་པར་བྱས་ནས།ཚངས་པའི
349a4 འཇིག་རྟེན་གྱི་བར་དུ་མངོན་པར་བྱུང་སྟེ།ཉི་ཟླ་རྣམས་ཀྱི་གཟི་བརྗིད་ཟད་པར་བྱས་ནས།སླར་ལོག་སྟེ།བཅོམ་ལྡན་འདས་ལ་ལན་གསུམ་བསྐོར་བ་བྱས་ནས།བཅོམ་ལྡན་འདས་ཀྱི
349a5 དབུའི་གཙུག་ཏུ་ནུབ་བོ།།དེ་ནས་ཚེ་དང་ལྡན་པ་ཀུན་དགའ་བོ་སྟན་ལས་ལངས་ཏེ།བླ་གོས་ཕྲག་པ་གཅིག་ཏུ་བཟར་ནས།པུས་མོ་གཡས་པའི་ལྷ་ང་ས་ལ་བཙུགས་ཏེ།བཅོམ་ལྡན
349a6 འདས་ག་ལ་བ་དེ་ལོག་སུ་ཐལ་མོ་སྦྱར་བ་བཏུད་ནས།བཅོམ་ལྡན་འདས་ལ་འདི་སྐད་ཅེས་གསོལ་ཏོ།།བཅོམ་ལྡན་འདས་རྒྱུ་མ་མཆིས།རྐྱེན་མ་མཆིས་པར་ནི་དེ་བཞི་ནི་གཤེགས་པ་དགྲ
349a7 བཅོམ་པ་ཡང་དག་པར་རྫོགས་པའི་སངས་རྒྱས་རྣམས་འཛུམ་པ་མི་མཛད་ན།འཛུམ་པ་མཛད་པའི་རྒྱུ་གང་ལགས།བྱིན་གང་ལགས།དེའི་ཚེ་ཚིགསུ་བཅད་པ་འདི་དག་ཀྱང་གསོལ།
iiif viewer powered by OpenSeadragon
