| e-texts navigator |
| Wylie |
348a1 ཉེས་རགནས།།ད་ཕྱིར་འདད་པའི་དགའ་བ་ཀུན་སྦྱངས་ཏེ།།ཆོས་ལ་སྨན་གྱི་འདུ་ཤེས་བཞག་བྱས་ནས།།མ་ཆགས་ཁྱིམ་ནས་མྱུར་དུ་འབྱུང་བར་བྱེད།།དེ་ནས་ཁྱིམ་བདག
348a2 དཔའ་བྱིན་དང་།ཁྱིམ་བདག་ལྔ་བརྒྱ་ནམ་པོ་དེ་དག་གིས།།ཆོས་ཀྱི་རྣམ་གྲངས་འདི་ཐོས་ནས།།མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ།།དེ་དག་བཟོད་པ་ཐོབ་ནས།མཆོག་ཏུ
348a3 དགའ་བོ་དང་མགུ་བར་གྱུར་ཏེ།དེའི་ཚེ་ཚིག་སུ་བཅད་པ་འདི་དག་གསོལ་ཏོ།།སངས་རྒྱས་ཆོ་སྡེ་ལ་འདོད་གྱུར་ནས།།གང་དག་གིས་ན་སེམས་བསྐྱེད་པ།།ཀྱེ་མ་རྙེད་པ་རྙེད་པ་ཆེ།།འདི་ནི
348a4 རྙེད་པ་ཀུན་གྱི་མཆོག།བྱང་ཆུབ་སེམས་ནི་དགའ་བ་སྟེ།།སེམས་ཅན་ཐམས་ཅད་བདེ་བགྱིད་པའི།།སེམས་འདིར་སུ་དག་དགའ་བསྐྱེད་པ།།དེ་དག་འཚོ་བ་ལེགས་པར་འཚོ།།སེམས
348a5 ཅན་ཀུན་ལ་ཕན་བགྱིད་པའི།།སེམས་འདི་གང་དག་བསྐྱེད་གྱུར་པ།།དེ་དག་སེམས་ཅན་ཐམས་ཅད་དགའ།།དེ་དག་མཐོང་ན་དགའ་བར་འགྱུར།།བྱང་ཆུབ་སེམས་ལ་སུ་དགའ་བ།།
348a6 དེ་དག་ལུས་ནི་གསེར་འདྲ་ཞིང་།།མཚན་གྱིས་ཤིན་ཏུ་སྤྲས་པ་དང་།།འཇིག་རྟེན་སྣང་བ་བྱེད་པར་འགྱུར།།བྱང་ཆུབ་སེམས་ནི་སེམས་ཆེ་སྟེ།།སེམས་ཀུན་ནང་ན་དགེ་བ་མཆོག།
348a7 ཡོན་ཏན་ཐམས་ཅད་ཕུན་སུམ་ཚོགས།།ནང་ཀུན་རབ་ཏུ་ཞི་བར་བགྱིད།།སེམས་ཅན་བསོད་ནམས་ཆུང་ངུ་རྣམས།།བྱང་ཆུབ་སེམས་ནི་འདོད་མི་བགྱིད།།འཁོར་བ་ལ་ནི་མི
iiif viewer powered by OpenSeadragon
