| e-texts navigator |
| Wylie |
335a1 བདག་དང་།བྲམ་ཟེ་བརྒྱ་ཕྲག་མང་པོ་དག་ཀྱང་རབ་ཏུ་བྱུང་ངོ་།།དེ་ནས་བཅོམ་ལྡན་འདས་ལ་ངེས་པས་འདི་སྐད་ཅེས་གསོལ་ཏོ།།བདག་ཀྱང་ལེགས་པར་གསུངས་པའི་ཆོས་འདུལ
335a2 བ་ལ་རབ་ཏུ་འབྱུང་བར་གསོལ།དེ་ནས་བཅོམ་ལྡན་འདས་ཀྱིས་རིགས་ཀྱི་བུ་ངེས་པའི་མགོ་བོ་ལ་ཕྱག་གིས་བྱུག་སོ།།བཅོམ་ལྡན་འདས་ཀྱིས་རིགས་ཀྱི་བུ་དེས་པའི་མགོ་བོ་ལ་རེག་མ་ཐག་ཏུ་གོས
335a3 ངུར་སྨྲིག་དགོས་ཤིང་།དགེ་སློང་དུ་སྣང་བར་གྱུར་ཏོ།།དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ།།ཀུན་དགའ་བོ་སྙིགས་མ་ལྔ་པོ།།དུས་ཀྱི
335a4 སྙིགས་མ་དང་།སེམས་ཅན་གྱི་སྙིགས་མ་དང་།ཞིང་གི་སྙིགས་མ་དང་།ཚེའི་སྙིགས་མ་དང་།ཉོན་མོངས་པའི་སྙིགས་མའི་དུས་སུ།ང་བྱང་ཆུབ་མངོན་པར་རྫོགས་པར་སངས་རྒྱས་ནས།
335a5 དེར་ངེས་པས་ཇི་ལྟར་འདུལ་བ་ལས་རྣམ་པ་གཞན་གྱིས་གདུལ་བར་མི་བྱའོ།།ཀུན་དགའ་བོ་ང་ནི་འཇིག་རྟེན་གྱི་ཁམས་མི་མཇེད་དུ་སངས་རྒྱས་ཀྱིས་འདུལ་བས་སེམས་ཅན་རྣམས་འདུལ
335a6 བར་མི་བྱེད་ཀྱི།ཀུན་དགའ་བོ་ང་ནི་ངན་ཅིང་དབུལ་བ་དང་།ངན་འགྲོའི་འཇིགས་པས་བསྡིགས་པས་སེམས་ཅན་རྣམས་འདུལ་བར་བྱེད་དོ།།ཀུན་དགའ་བོ་གལ་ཏེ་འཇིག་རྟེན་གྱི་ཁམས
335a7 འདིར་སངས་རྒྱས་ཀྱི་ཡུལ་གྱིས་ཆོས་བསྙན་ཅིང་།སངས་རྒྱས་ཀྱི་ཡུལ་ཉེ་བར་བསྟན་དུ་ཟིན་ན།སེམས་ཅན་གཅིག་ཀྱང་འདུལ་བར་མི་འགྱུར་ལ།ཆོས་ཀྱང་རྟོག་པར་མི་འགྱུར་རོ།།ཀུན
iiif viewer powered by OpenSeadragon
