| e-texts navigator |
| Wylie |
334b1 ནི་ལྡན་པར་འགྱུར་བ་ཡིན།།དེ་ཡི་ཚེ་ཡི་ཚད་ནི་ལོ་ཁྲི་ཐུབ་པར་འགྱུར།།དེ་ཡི་དགེ་འདུན་ཤིན་ཏུ་མང་སྟེ་བགྲང་ལས་འདས།།ཉན་ཐོས་ཐེག་པ་ཅན་གྱི་དགེ་འདུན་ཉུང་བར་འགྱུར།།ཕལ་ཆེར་བྱང་ཆུབ་དོན་དུ
334b2 བརྩོན་པ་བྱས་ནས་སུ།།དེ་དག་ཐམས་ཅད་ཡེ་ཤེས་སྟོབས་དང་རྫུ་འཕྲུལ་ལྡན།།རྣམ་པར་ཐར་པ་རྣམས་དང་ལྡན་ཞིང་འཇིགས་པ་མེད།།གཅིག་པུ་ངེས་པར་ཆོས་ནི་ལེགས་པར་བཤད་རྣམས་ཀྱིས།།།
334b3 འཇིག་རྟེན་ཁམས་དེར་རྟག་ཏུ་སྒྲ་ཆེན་བསྒྲགས་པར་འགྱུར།།དེ་ན་བདུད་རྣམས་མེད་ཅིང་སྲིད་པར་ཆགས་པ་མེད།།དེ་དག་ཐམས་ཅད་ཡང་དག་རིག་ཅིང་རྣམ་པར་དག།བདེ་བར་གཤེགས་དེ
334b4 ཡོངསུ་མྱ་ངན་འདས་གྱུར་ནས།།ལོ་ནི་བརྒྱད་ཅུ་དག་ལས་བཞི་ལྷག་རྣམསུ་ཡང་།།དེའི་དམ་པའི་ཆོས་ནི་རབ་ཏུ་སྤྱོད་པར་འགྱུར།།དེ་ཚེ་དེ་ཡི་ཆོས་ཀྱི་ཚུལ་ནི་འཁྲུག་པ་མེད།།ངེས་པ་དེ་ཡིས།
334b5 གང་དག་ཡོངསུ་སྨིན་བྱས་པ།།དེ་དག་བྱང་ཆུབ་བླ་ན་མེད་པའི་དོན་དུ་སྤྱོད།།ཞིང་དེར་སེམས་ཅན་གང་དག་འབྱུང་བར་འགྱུར་བ་རྣམས།།དེ་དག་ཐམས་ཅད་སྐྱོན་རྣམས་དང་ནི་བྲལ་བ་ཡིན།།
334b6 བཅོམ་ལྡན་འདས་ཀྱིས་རིགས་ཀྱི་བྱ་ངེས་པ་ལུང་བསྟན་པ་བཤད་མོ་ཐག་ཏུ།དེ་ནས་དེའི་ཚེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམ་པོ་དྲུག་ཏུ་གཡོས་ཏེ།ལྷའི་མེ་ཏོག
334b7 དང་།ཕྱི་མ་དང་།གོས་དང་།རྒྱན་གྱི་ཆང་ཡང་མངོན་པར་བབ་པོ།།ཐམས་ཅད་དང་ལྡན་པའི་འཁོར་གྱིས་ཀྱང་རང་རང་གི་གོས་རྣམས་རིགས་ཀྱི་བུ་ངེས་པ་ལ་བཀབ་པོ།།ཚོང་དཔོན་དང་།ཁྱིམ
iiif viewer powered by OpenSeadragon
