| e-texts navigator |
| Wylie |
331b1 དབང་བས་དྲན་པ་ཤིན་ཏུ་རྒྱ་ཆེན་ཐོབ་འགྱུར་ཏེ།།དགའ་བས་སྡུག་ལྔ་འདོད་པའི་དགའ་དང་བྲལ་བར་འགྱུར།།མཚན་མཆོག་སུམ་ཅུ་རྩ་གཉིས་དག་གིས་བརྒྱན་རྣམས་ཀྱིས།།ལེགས་པར་བརྒྱན
331b2 པ་གསལ་བའི་ཡོན་ཏན་མཆོག་མངའ་བ།།གསུང་མཆོག་མི་ཡི་དམ་པ་གསུང་ནི་རྣམ་པར་དག།མཚུངས་པ་མེད་པའི་འོད་མངའ་ཁྱོད་ལ་བདག་ཕྱག་འཚལ།།འཕགས་པ་འཛམ་བུའི།
331b3 ཆུ་བོའི་གསེར་མདོག་ཕྱག་མཐིལ་སྡུག།ཐུབ་པའི་སྐུ་སྟོད་སེང་གེའི་འདྲ་ཞིང་གླང་ཆེན་སྐྱབས།།སྨིན་ཚུགས་ལེགས་ཤིང་ཤངས་ལེགས་ཚོམས་སྙོམས་ཐགས་བཟང་མཛེས།།
331b4 དཔལ་གྱི་སྙིང་པོ་ཤཱཀྱ་ཐུབ་མཆོག་ཁྱོད་ལ་འདུད།།རྒྱལ་བ་ཡོན་ཏན་བརྒྱ་ཕྲག་དག་གིས་རྒྱས་གྱུར་པ།།བདེ་གཤེགས་ཤིན་ཏུ་དགའ་བ་སྐྱེད་མཛད་བསྟོད་པ་ཡི།།བསོད་ནམས
331b5 ཡོན་ཏན་མཐའ་ཡས་བསྒྲུབས་པ་གང་ལགས་པ།།དེ་ཡིས་འདིར་ནི་འཇིག་རྟེན་སངས་རྒྱས་མཉམ་གྱུར་ཅིག།དེ་ནས་རིགས་ཀྱི་བུ་དེས་པ་སྐྱེ་བོའི་ཚོགས་ཆེན་པོ་དེ་དག་གིས་ཡོངསུ
331b6 བསྐོར་ནས།བཅོམ་ལྡན་འདས་ག་ལ་བ་དེར་སོང་སྟེ་ལྗགསཱ་ནས།བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ།དེ་ནས་རྒྱལ་པོ་གསལ་རྒྱལ
331b7 གྱིས་རིགས་ཀྱི་བུ་དེས་པ་ལ་ཁྲིའུ་སྟན་བཟང་པོ་བདག་ཉིད་ཀྱིས་བྱིན་ཏེ་འདི་ལ་འདུག་ཅིག་ཅེས་བྱས་ནས་རིགས་ཀྱི་བུ་དེས་པ་ཁྲིའུ་སྟན་བཟང་པོ་དེ་ལ་འདུག་གོ།རྒྱལ་པོ་གསལ་རྒྱལ
iiif viewer powered by OpenSeadragon
