| e-texts navigator |
| Wylie |
330b1 བཅས།བློན་པོ་དང་བཅས།འཁོར་དང་བཅས་པ་དང་།མཉན་ཡོད་ཀྱི་སྐྱེས་པ་དང་།བུད་མེད་དང་ཁྱེའུ་དང་།བུ་མོ་དང་།སྲོག་ཆགས་བརྒྱ་ཕྲག་མང་པོ་དག།བཅོམ་ལྡན་འདས་ལ་བལྟ་བའི་ཕྱིར་དོང་ངོ་།།དེ
330b2 ནས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་གྱི་བར་དུ་ལྷའི་དབང་པོ་བརྒྱ་བྱིན་འཁོར་གྱི་ཁྱམས་ཆེན་པོ་བཀྲུ་བ་བལྟ་ན་སྡུག་པ།ཡངས་ཤིང་མཐོ་བ་ལ་རྒྱན་ཐམས་ཅད་ཀྱིས་བརྒྱན་པ།འདི་ལྟ་སྟེ་དཔེར
330b3 ན།སུམ་ཅུ་རྩ་གསུམ་གྱི་ལྷ་རྣམས་ཀྱི་ཁང་བཟངས་རྣམ་པར་རྒྱལ་བ་ལྟ་བུ་ཞིག་སྤྲུལ་ཏེ།དབུས་སུ་ཤིང་ཡོངས་འདུས་རྡོ་བ་སྤྲུལ་ལོ།།ཡོངས་འདུས་རྡོལ་གྱི་དྲུང་དུ་ཡང་།བཅོམ་ལྡན་འདས་ཀྱི
330b4 གདན་སེང་གེའི་ཁྲི་བཀྲ་བ་བལྟ་ན་སྡུག་ཅིང་ཆུ་ཞེང་གབ་པ་ལ།ལྷའི་རས་བཅྡོཾས་བུ་བརྒྱ་སྟོང་དུ་མས་བཏིང་བ་མངོན་པར་སྤྲུལ་ཏོ།།བྱང་ཆུབ་སེམས་དཔའ་རྣམས་ཀྱི་སྟན་དྲུག་ཁྲི་དག་ཀྱང་མངོན་པར
330b5 སྤྲུལ་ཏོ།།ལྷ་མ་ཡིན་གྱི་བུ་མོ་བདེ་སོགས་ལ་སོགས་པ།ལྷའི་བུ་མོ་ཁྲི་ཉིས་སྟོང་ཡང་མེ་ཏོག་དང་།བདུག་པ་དང་།སྤོས་དང་།མེ་ཏོག་ཕྲེང་དང་།བྱུག་པ་དང་།ལྷའི་ཙན་དན་གྱི་ཕྱེ་མ་དག་ཁྱེར
330b6 ནིས།སིལ་སྙན་དང་ཕེག་རྡོབ་པ་དག་བྱེད་ཅིང་ངེས་པའི་གཡོག་བྱ་བའི་ཕྱིར།བཅོམ་ལྡན་འདས་ཀྱི་སེང་གེའི་ཁྲི་བརྒྱན་པར་བྱེད་དོ།།དེ་ནས་བཅོམ་ལྡན་འདས་ཀྱིས་སྐྱེ་བོའི་ཚོགས་ཆེན་པོ་དེ་དག་འོང
330b7 བར་ཐུགསུ་ཆུད་ནས།གཙུག་ལག་ཁང་ནས་བྱུང་སྟེ།བྱང་ཆུབ་སེམས་དཔའ་དང་།ཉན་ཐོས་རྣམས་ཀྱིས་ཡོངསུ་བསྐོར་ཅིང་གདན་པ་ཤམས་པ་ལ་བཞུག་སོ།།དེ་ནས་དྲི་ཟའི་བུ་གཙུག་ཕུད་ལྔ
iiif viewer powered by OpenSeadragon
