| e-texts navigator |
| Wylie |
329b1 སེམས་དཔའི་འཁོར་ལགསོ།།དེ་ནས་རྒྱལ་པོ་གསལ་རྒྱལ་དགའ་ཞིང་མགུ་ལ་ཡིད་རངས་ཏེ་རབ་ཏུ་དགའ་ཞིང་དགའ་བ་དང་།ཡིད་བདེ་བ་སྐྱེས་ནས་རྒྱལ་པོ་ལ་འོས་པའི་རས་བཅོས་བུ
329b2 ཟུང་སྟོང་ཆོས་ལྔ་དགའ་བའི་ཕྱིར་དེས་པ་ལ་བྱིན་ནོ།།དེས་པས་སྨྲས་པ།རྒྱལ་པོ་ཆེན་པོ་བདག་ལ་བཱ་ཀུརཱ་སྟི་དང་།མཆོད་པ་མཛད་པས་འཚལ་ཏོ།།གང་གིས་བདག་ལ་འཆལ
329b3 བར་འགྱུར་བའི་གོས་རས་རུལ་པའི་དུམ་བུ་བརྒྱ་བརྩེམས་པ་བདགཱ་ལ་མཆིས་ཀྱིས་བདྲག་ནི་བདག་གིར་འཛིན་པ་དང་བཅས་ཤིང་ལོངསུ་འཛིན་པ་དང་བཅས་པའི་གོས་རྣམས་མི།
329b4 འཚལ་ལོ།།རྒྱལ་པོ་ཆེན་པོ་དཔྱིད་ཀྱི་དུས་ན་རས་རུལ་པའི་དུམ་བུའི་གོས་འདི་ཤིང་གི་ཡལ་གྲཝ་ལ་བཀལ་ཏེ།དགུང་གཅིག་གམ།དགུང་གཉིས་སམ།དགུང་བཅུ་འམ།
329b5 དགུང་བརྒྱར་མཆིས་ཀྱང་དེ་ལ་སུ་ཡང་ལེན་པ་མ་མཆིས་ཤིང་།དེ་ལ་སུ་ཡང་ཆགས་པའི་སེམས་བསྐྱེད་པ་མ་མཆིས་ཏེ།བདག་ཀྱང་དེ་བོར་ནས་མི་ལྟ་བར་མཆི་བའི་དུས
329b6 དེ་མཆིས་སོ།།རྒྱལ་པོ་ཆེན་པོ་བདག་ནི་བདག་གི་འཛིན་པ་དང་ཡོངསུ་འཛིན་པ་དང་བཅས་པའི་གོ་སྡེ་རྣམས་མི་འཚལ་ལོ།།རྒྱལ་པོ་ཆེན་པོ་བྱང་ཆུབ་སེམས་དཔས་ནི
329b7 གང་ལ་བདག་ཉིད་ཀྱང་འདོད་པ་སྤོང་བར་འགྱུར་ཞིང་།གཞན་ཡང་འདོད་པའི་སེམས་བསྐྱེད་པར་མི་འགྱུར་བ་དེ་ལྟ་བུའི་གོས་བཅང་བར་བགྱིའོ།།རྒྱལ་པོས་སྨྲས་པ།
iiif viewer powered by OpenSeadragon
