| e-texts navigator |
| Wylie |
327a1 གཤེགས་པ་ལེགས་པར་མཐོང་བ་ཡིན་ནོ།།གཞན་ཡང་བཞི་སྟེ།དེ་བཞིན་གཤེགས་པའི་གཟུགས་ཀྱི་སྐུ་མཐོང་ན་བདག་ཀྱང་འདི་འདྲ་བར་གྱུར་ཅིག་ཅེས་བླ་ན་མེད་པ་ཡང་དག
327a2 པར་རྫོགས་པའི་བྱང་ཆུབ་ཏུ་སེམས་བསྐྱེད་པ་དང་།དེ་བཞིན་གཤེགས་པ་ནི་སླུ་བར་མི་མཛད་པའི་ཕྱིར་ལྷག་པའི་བསམ་པ་ཡོངསུ་དག་པར་སེམས་བསྐྱེད་པ་དང་།སེམས་ཅན་ཐམས་ཅད་ལ
327a3 ཆོས་སྟོན་ཅིང་ཆེར་ན་རབ་ཏུ་གྲོལ་བར་བྱ་བའི་ཕྱིར་ཡང་སེམས་བསྐྱེད་པ་དང་།དཀོན་མཆོག་གསུམ་གྱི་གདུང་མི་འཆད་པར་བྱ་བའི་ཕྱིར་དམ་པའི་ཆོས་ཡོངསུ་བཟུང་བར་ཡང་སེམས་དེ་བསྐྱེད་པ
327a4 སྟེ།བཞི་པོ་དེ་དག་དང་ལྡན་ན་དེ་བཞིན་གཤེགས་པ་ལེགས་པར་མཐོང་བ་ཡིན་ནོ།།གཞན་ཡང་བཞི་སྟེ།གཟུགས་དབེན་པར་མཐོང་བ་དང་།ཚོར་བ་དང་།འདུ་ཤེས་དང་།འདུ་བྱེད་དང་།རྣམ
327a5 པར་ཤེས་པ་དབེན་པར་མཐོང་བ་དང་།ཁམས་བཞིན་མཁའ་དང་།འདྲ་བར་མཐོང་བ་དང་།སྐྱེ་མཆེད་གྲོང་སྟོང་པ་ལྟ་བུར་མཐོང་བ་སྟེ།བཞི་པོ་དེ་དག་དང་ལྡན་ན།དེ་བཞིན་གཤེགས་པ
327a6 ལེགས་པར་མཐོང་བ་ཡིན་ནོ།།གཞན་ཡང་བཞི་སྟེ།བདག་མེད་པའི་ཕྱིར་བདག་རྣམ་པར་དག་པ་དང་།སེམས་ཅན་མེད་པའི་ཕྱིར་སེམས་ཅན་རྣམ་པར་དག་པ་དང་།སྲོག་མེད་པའི་ཕྱིར་སྲོག་རྣམ་པར་དག
327a7 པ་དང་།གང་ཟག་མེད་པའི་ཕྱིར་གང་ཟག་རྣམ་པར་དག་པ་སྟེ།བཞི་པ་དེ་དག་དང་ལྡན་ན་དེ་བཞིན་གཤེགས་པ་ལེགས་པར་མཐོང་བ་ཡོན་ནོ།།གཞན་ཡང་བཞི་སྟེ།ལྷའི་མིག་མངོན་པར་འདུ
iiif viewer powered by OpenSeadragon
