| e-texts navigator |
| Wylie |
326b1 བརྡུང་བ་ལས།།ངེས་པ་ཁྱོད་ཉིད་ལས་ནི་ཆོས་འདི་ཐོས་པ་ན།།རབ་ཏུ་བསྡམས་ཏེ་ཁོ་བོས་ཆོས་བཞིན་སྤྱད་པར་བྱ།།ཁྱིམ་ན་གནས་པ་བརྒྱ་ཕྲག་ལྔ་པོ་འདི་དགྲ་ནི།།ནོར་གྱི་ཆེད་དུ་ཁོ་བོས་གྲོ་རང་བཅུག།
326b2 པ་སྟེ།།ཁོ་བོས་ཐམས་ཅད་བཏུང་གིས་བདེ་བར་འཁོད་གྱིས་ཤིག།ཕྱིན་ཆད་འདི་འདྲ་བ་དག་ཁོ་བོས་ཡོང་མི་བྱེད།།ལྔ་བརྒྱ་བཏང་བར་གྱུར་པ་གང་ཡིན་དེ་དག་ཀྱང་།།དེས་པ་ལ་ནི་ཞེས་ལགས
326b3 སྨྲ་བསྐྱེད་ནས་ཀྱང་།།སེམས་ནི་སྐྱོ་བར་གྱུར་ཅིང་ཅི་ལའང་མི་བལྟ་བར།།བདེ་བ་ཐམས་ཅད་མཁྱེན་པ་ཉིད་དུ་སྨོན་ལམ་བཏེབ།།དྲ་ནི་དབུལ་པོ་མ་ཡིན་ཁྱོད་ནི་དབུལ་པོ་ཞེས།།ངེས་པ་ཁྱོད་ཀྱི
326b4 ཚིག་འདི་ལེགས་པར་སྨྲས་པ་སྟེ།།ངེས་པ་ལ་ནི་གང་ཞིག་དབུལ་པོ་ཞེས་བརྗོད་པ།།མི་དེ་རྒྱལ་པོའི་ཁྲིམས་དང་འགལ་བར་བྱེད་པ་ཡིན།།དེ་ནས་བཅོམ་ལྡན་འདས་ལ་རིགས་ཀྱི་བུ་དེས་པས་འདི་སྐད
326b5 ཅེས་གསོལ་ཏོ།།བཅོམ་ལྡན་འདས་སྐྱེ་བོའི་ཚོགས་ཆེན་པོ་འདུས་པ་དེ་ནི།བཅོམ་ལྡན་འདས་ལ་བལྟ་བས་ཆོག་མ་འཚལ་བ་ལགས་ན།བཅོམ་ལྡན་འདས་དེའི་སླད་དུ་ཅི་ནུས་འདྲི་དག་གིས་དྲི
326b6 བཞིན་གཤེགས་པ་མཐོང་བ་དོན་མཆིས་པར་གྱུར་པ་དེ་ལྟ་དེ་ལྟར་འདི་དག་ལ་ལེགས་པར་ཆོས་བསྟན་དུ་གསོལ།བཅོམ་ལྡན་འདས་ཀྱིས་བཀའ་སྩལ་པ།ངེས་པ་རིགས་ཀྱི་བུ་ཆོས་བཞི་དང
326b7 ལྡན་ན་དེ་བཞིན་གཤེགས་པ་ལེགས་པར་མཐོང་བ་ཡིན་ནོ།།བཞི་གང་ཞེ་ན།ཡིད་ཆེས་པ་དང་།དད་པ་དང་།ཕངས་པར་འཛིན་པ་དང་།བུས་པ་སྟེ།ཆོས་བཞི་པོ་དེ་དག་དང་ལྡན་ན་དེ་བཞིན
iiif viewer powered by OpenSeadragon
