| e-texts navigator |
| Wylie |
316b1 ཡིན་དང་།དྲི་ཟར་བཅས་པའི་འཇིག་རྟེན་ཡིད་རངས་ཏེ།བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།།འཕགས་པ་དཀོན་མཆོག་བརྩེགས་པ་ཆེན་པོའི་ཆོས་ཀྱི་རྣམ་གྲངས་ལེའུ་སྟོང་ཕྲག་བརྒྱ་པ
316b2 ལས།ལག་བཟངས་ཀྱིས་ཞུས་པའི་ལེའུ་ཞེས་བྱ་སྟེ།འདུས་པ་ཉི་ཤུ་རྩ་དྲུག་པ་རྫོགས་སོ།།།།རྒྱ་གར་གྱི་མཁན་པོ་དྷ་ན་ཤཱི་ལ་དང་།འཛིན་མི་ཏྲ་དང་།ཞུ་ཆེན་གྱི་ལོ་ཙ་བ་བན་དེ་ཞང་ཡེ་ཤེས་སྡེས
316b3 བསྒྱུར་ཅིང་ཞུས་ཏེ།སྐད་གསར་ཆད་ཀྱིས་ཀྱང་བཙེས་ནས་གཏན་ལ་ཕབ་པ།།།བམ་པོ་གཉིས་དང་ཤེ་ལོ་ཀ་བརྒྱ་རྩ་བརྒྱད།།།རྒྱ་གར་སྐད་དུ།ཨཱརྱ་སུ་ར་ཏ་པ་རི་པྲིད་ཚཱ་ནཱ་མ་མེ་ཧཱ
316b4 ཡ་ནཱ་སཱུ་ཏྲ།བོད་སྐད་དུ།འཕགས་པ་ངེས་པས་ཞུས་པ་ཞེས་བྱ་བ་ཐེག་པ་ཆེན་པོའི་མདོ།།བམ་པོ་གཅིག་པ།།སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།།འདི་སྐད
316b5 བདག་གིས་ཐོས་པ་དུས་གཅིག་ན།བཅོམ་ལྡན་འདས་མཉན་ཡོད་ནཱ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན
316b6 པོ་དང་།བྱང་ཆུབ་སེམས་དཔའ་སུམ་ཁྲི་ཉིས་སྟོང་དག་དང་ཐབས་གཅིག་ཏུ་བཞུགས་ཏེ།འཁོར་བཞི་དང་།རྒྱལ་པོ་དང་།བློན་པོ་དང་།གྲོང་རྡལ་གྱི་མི་དང་།ལྗོངས་ཀྱི་མི་རྣམས་ཀྱིས་བཀུར་སྟི
316b7 བྱས།བློ་མར་བྱས་རིམ་གྲོར་བྱས།མཆོད་པ་བྱས་སོ།།དེའི་ཚེ་མཉན་ཡོད་ཀྱི་གྲོང་ཁྱེར་ན་གྲོང་ཁྱེར་གྱི་དབུལ་པོ་ངེས་པ་ཞེས་བྱ་བ།སངས་རྒྱས་ལ་དད་པ་མི་ཕྱེད་པ་དང་ལྡན་པ།ཆོས་ལ་དད་པ
iiif viewer powered by OpenSeadragon
