| e-texts navigator |
| Wylie |
312b1 ཐམས་ཅད་ལ་ཕྱག་འཚལ་ལོ།།འཇིག་རྟེན་གྱི་ཁམས་ཐམས་ཅད་དུ་གཏོགས་པ།འདས་པ་དང་།མ་འོངས་པ་དང་།ད་ལྟར་བྱུང་བའི་སངས་རྒྱས་ཐམས་ཅད་དང་།ཆོས་ཐམས་ཅད་དང་།དགེ་འདུན་ཐམས་ཅད
312b2 ལ་ཕྱག་འཚལ་ལོ་ཞེས་དམིགས་པར་བྱེད་དོ།།དེ་ཕྱག་ལན་གཅིག་འཚལ་བ་ན་མཐའ་ཡས་ཤིང་དཔག་ཏུ་མེད་པར་ཕྱག་འཚལ་བར་བྱའོ་སྙམ་དུ་སེམས་བསྐྱེད་དོ།།དེ་བྱང་ཆུབ་ཏུ་སྨོན་པ་ན།སེམས
312b3 ཅན་ཐམས་ཅད་བསྒྲལ་བ་དང་།སེམས་ཅན་ཐམས་ཅད་དགྲོལ་བ་དང་།སེམས་ཅན་ཐམས་ཅད་དབུགས་དབྱུང་པོ་དང་།ཐམས་ཅད་མཁྱེན་པ་ཉིད་ཐོབ་པར་བྱ་བ་དང་།སངས་རྒྱས་ཀྱི་ཆོས
312b4 ཐམས་ཅད་ཡོངས་སུ་རྫོགས་པར་བྱ་བའི་ཕྱིར་ཡོངས་སུ་བསྔོ་བར་བྱེད་དོ།།དེ་བཞིན་དུ་སྐྱབསུ་འགྲོ་བ་ན་ཡང་སེམས་བསྐྱེད་དོ།།དེ་འགྲོ་བ་དང་།འགྲེང་བ་དང་།འདུག་པ་དང་།ཉལ་བ་དང་།ཁྲུས
312b5 བྱེད་པ་དང་།ཟ་བ་དང་།འཐུང་བ་དང་།ཞིང་རྨོ་བ་དང་།ས་བོན་འདེབས་པ་དང་།ལས་ཐམས་ཅད་བྱེད་པ་ན་ཡང་མཐའ་ཡས་ཤིང་དཔག་ཏུ་མེད་པར་བྱང་ཆུབ་ཏུ་སྨོན་ལམ་གདབ་པར་བྱའོ།
312b6 ཞེས་སེམས་བསྐྱེད་དོ།།མང་དུ་བྱེད་དོ།།སྙོམས་པར་འཇུག་པ་དང་།བསམ་གཏན་བྱེད་པ་ན་ཡང་།སེམས་ཅན་ཐམས་ཅད་བསྐུལ་བ་དང་།སེམས་ཅན་ཐམས་ཅད་དགྲོལ་བ་དང་།
312b7 སེམས་ཅན་ཐམས་ཅད་དབུགས་དབྱུང་བ་དང་།ཐམས་ཅད་མཁྱེན་པ་ཉིད་ཐོབ་པར་བྱ་བ་དང་།སངས་རྒྱས་ཀྱི་ཆོས་ཐམས་ཅད་ཡོངས་སུ་རྫོགས་པར་བྱ་བའི་ཕྱིར།མཐའ་ཡས་ཤིང་དཔག་ཏུ
iiif viewer powered by OpenSeadragon
