| e-texts navigator |
| Wylie |
311a1 ཅན་དུ་གནས་ཏེ།འགོག་པ་མངོན་སུམ་དུ་བྱེད་པ་ཡང་མ་ཡིན་ནོ།།གང་དེ་ལྟར་དུས་གསུམ་རབ་ཏུ་ཤེས་པ་དེ།ཆོས་དེ་དག་ཉན་ཅིང་འཛིན་པ་དང་།མང་དུ་བྱེད་ཅིང་ཡོངས་སུ་རྟོག་པ་ན།།
311a2 ཐེག་པ་གསུམ་རབ་ཏུ་ཤེས་ཏེ།གསུམ་གང་ཞེ་ན།ལྷའི་ཐོག་པ་དང་།ཚངས་པའི་ཐེག་པ་དང་།འཕགས་པའི་ཐེག་པ་སྟེ།དེ་དག་ནི་ཐེག་པ་གསུམ་ཞེས་བྱའོ།།བསམ་གཏན་དང་པོ་ནི་ལྷའི
311a3 ཐེག་པ་སྟེ།བསམ་གཏན་གཉིས་པ་དང་།གསུམ་པ་དང་།བཞི་པ་ཡང་ལྷའི་ཐེག་པའོ།།བྱམས་པ་ནི་ཚངས་པའི་ཐེག་པ་སྟེ།སྙིང་རྗེ་དང་།།དགའ་བ་དང་།བཏང་སྙོམས་ཀྱང་ཚངས
311a4 པའི་ཐེག་པའོ།།ཡང་དག་པའི་ལྟ་བ་དང་།ཡང་དག་པའི་རྟོག་པ་དང་།ཡང་དག་པའི་ངག་དང་།ཡང་དག་པའི་ལས་ཀྱི་མཐའ་དང་།ཡང་དག་པའི་འཚེ་བ་དང་།ཡང་དག་པའི་རྩོལ་བ
311a5 དང་།ཡང་དག་པའི་དྲན་པ་དང་།ཡང་དག་པའི་ཏིང་ངེ་འཛིན་ཅེས་བྱ་བ་འཕགས་པའི་ལམ་ཡན་ལག་བརྒྱད་པ་ཞེས་བྱ་བ་དེ་ནི་འཕགས་པའི་ཐེག་པ་ཞེས་བྱའོ།།དེ་དུས་དུས་སུ་ལྷའི
311a6 ཐེག་པ་སྒོམ་སྟེ།སེམས་ཅན་རྣམས་ཀྱང་དེ་ལ་འགོད།དུས་དུས་སུ་ཚངས་པའི་ཐེག་པ་སྒོམ་སྟེ།སེམས་ཅན་རྣམས་ཀྱང་དེ་ལ་འགོད་དོ།།དུས་དུས་སུ་འཕགས་པའི་ཐེག་པ་ཅན་རྣམས
311a7 ཀྱང་དེ་ལ་འགོད་ལ།རྣམ་པར་གྲོལ་བ་འཕགས་པ་མངོན་སུམ་དུ་ཡང་མི་བྱེད་དོ།།གཞན་ཡང་ཐེག་པ་གསུམ་རབ་ཏུ་ཤེས་ཏེ།གསུམ་གང་ཞེ་ན།ཉན་ཐོས་ཀྱི་ཐེག་པ་དང་།རང་སངས།
iiif viewer powered by OpenSeadragon
