| e-texts navigator |
| Wylie |
310b1 གནས་པ་མི་འདུག་པའོ།།དེ་ཅིའི་ཕྱིར་ཞེ་ན།འཇིག་རྟེན་ནི་སྐད་ཅིག་ལས་ལྷག་པར་མི་གནས་པའི་ཕྱིར་རོ།།སྐད་ཅིག་པ་དེའི་སྐྱེ་བའི་དུས་ཀྱང་གཞན།གནས་པའི་དུས་ཀྱང་གཞན།འགག་པའི་དུས།
310b2 ཀྱང་གཞན།གང་ཡིན་པའི་སྐད་ཅིག་དེ་ནི་གནས་མེད་པ།འདུག་པ་མེད་པའོ།།སྐད་ཅིག་གི་དུས་གང་ཡིན་པ་དེ་ནི།ནང་དང་།ཕྱིའི་ཕུང་པོ་དང་།ཁམས་དང་།སྐྱེ་མཆེད་དོ།།ནང་དང་།ཕྱིའི་ཕུང
310b3 པོ་དང་།ཁམས་དང་།སྐྱེ་མཆེད་གང་ཡིན་པ་དེ་ནི་དུས་སོ།།ད་ལྟར་བྱུང་བའི་ཕུང་པོ་དང་།ཁམས་དང་།སྐྱེ་མཆེད་གང་ཡིན་པ་དེ་ནི་སྐད་ཅིག་ཙམ་ཡང་མི་གནས་པ།མི་འདུག་པ་སྟེ།མི་གནས
310b4 པ།མི་འདུག་པ་ལ་ནི་བདག་དང་།བདག་གི་མེད་དོ།།དེ་ཡང་གང་གི་ཚེ་མྲ་འོངས་པར་གྱུར་པ་དེའི་ཚེ་མ་སྐྱེས་པ།མ་བྱུང་བ་ཡོད་པ་མ་ཡིན་པའོ།།བདག་ཏུ་མ་གྱུར་ཅིང་།བདག་གིར་མ་གྱུར
310b5 པའོ།།གང་གི་ཚེ་འདས་ཏེ་འགགས་པ་དང་།མ་བྱུང་བ་སྟེ་ཡོད་པ་མ་ཡིན་པར་འགྱུར་བ་དེའི་ཚེ་ཡང་བདོག་མེད་པ་དང་།བདག་གི་མེད་པ་ཉིད་དུ་འགྱུར་རོ།།གང་ཡང་དུས་གསུམ་དག་ཏུ་བདག
310b6 མེད་ཅིང་བདག་གི་མེད་པ་དེ་ནི་བྱུང་ཞིང་ཡོད་པ་མ་ཡིན་པའི་ཕྱིར།མཁས་ཤིང་རིག་པ་རྣམས་ཀྱིས་འདི་ནི་བདག་གིའོ།།འདི་ནི་ངའི་འོ།།བདག་གི་འདྲི་ནི་ཡོད་དོ་ཞེས་བདག་ཏུ་ལྟ་བར་ངེས་པ་མ
310b7 ཡིན་ནོ།།དེ་སྲིད་པ་ཐམས་ཅད་དང་།འདུ་བྱེད་ཐམས་ཅད་ལ་བདག་མེད་པའི་འདུ་ཤེས་དང་།འདོད་ཆགས་དང་བྲལ་བའི་འདུ་ཤེས་དང་།སྤངས་པའི་འདུ་ཤེས་དང་།འགོག་པའི་འདུ་ཤེས
iiif viewer powered by OpenSeadragon
