| e-texts navigator |
| Wylie |
309b1 པའི་དུས་དང་།ད་ལྟར་བྱུང་བའི་དུས་ཏེ།དེ་དག་ནི་དུས་གསུམ་རྣམས་ཤེས་བྱའོ།།འདུ་བྱེད་གང་ལ་ལ་འགགས་པ་དེ་ནི་འདས་པའི་དུས་ཤེས་བྱའོ།།འདུ་བྱེད་གང་ལ་ལམ་འོངས་ཤིང་མ་སྐྱེས་པ་དེ་ནི་མ་འོངས
309b2 པའི་དུས་ཤེས་བྱའོ།།འདུ་བྱེད་གང་ལ་ལ་ད་ལྟར་བྱུང་བ་ད་ལྟར་དུ་གྱུར་པ་དེ་ནི་ད་ལྟར་བྱུང་བའི་དུས་ཤེས་བྱའོ།།དེ་འདས་པའི་དུས་ཀྱི་བདག་གི་མི་དགེ་བའི་རྩ་བ་རྣམས་རྗེས་སྒྲ་དྲན་ན་སྤྱོད་ཅིང་བཤུང
309b3 སྟེ་ངེས་པར་སྦྱོང་ངོ་།།མ་འོངས་པའི་དུས་ཀྱི་བདག་གི་མི་དགེ་བའི་རྩ་བ་རྡུལ་ཙམ་ལ་ཡང་གཅིག་ཏུ་རྣམ་པར་སྨིན་པར་མཐོང་།མི་སྡུག་པར་རྣམ་པར་སྨིན་པར་མཐོང་།ཡིད་དུ་མི་འོང་བར་རྣམ་པར
309b4 སྨིན་པར་མཐོང་།འཇིགས་པར་མཐོང་ཞིང་གནས་སོ།།ད་ལྟར་བྱུང་བའི་དུས་ཀྱིས་བདག་གི་མི་དགེ་བའི་རྩུ་བ་སྐྱེ་བའི་སྐབས་མི་འབྱེད་དེ།ལུས་སྡོམ་པས་བསྡམས་ངག་སྡོམ་པས་བསྡམས།
309b5 ཡིད་སྡོམ་པས་བསྡམས།དབང་པོ་དྲུག་པོ་སྡོམ་པས་བསྡམས།།དེ་འདས་པའི་དུས་ཀྱི་བདག་གི་དགེ་བའི་རྩ་བ་རྣམས་དང་།བྱང་ཆུབ་ཏུ་སེམས་བསྐྱེད་པ་དང་།བྱང་ཆུབ་ཀྱི་སེམས་ལ་སྨོན
309b6 པ་དང་།བྱང་ཆུབ་ཀྱི་སེམས་ལ་སྨོན་ལམ་འདེབས་པ་རྗེས་སུ་དྲན་ཞིང་འདུན་པ་དྲག་པོ་དང་།དགའ་བ་དྲག་པོ་དང་།དད་པ་དྲག་པས་སེམས་ཅན་ཐམས་ཅད་བསྐལ་བ་དང་།སེམས་ཅན
309b7 ཐམས་ཅད་དགྲོལ་བ་དང་།སེམས་ཅན་ཐམས་ཅད་དབུགས་དབྱུང་བ་དང་།ཐམས་ཅད་མཁྱེན་པ་ཉིད་ཐོབ་པར་བྱ་བ་དང་།སངས་རྒྱས་ཀྱི་ཆོས་ཐམས་ཅད་རྫོགས་པར་བྱ་བའི་ཕྱིར་ཡོངསུ་བསྒོ
iiif viewer powered by OpenSeadragon
