| e-texts navigator |
| Wylie |
308b1 སྡུག་བསྔལ་བ་འམ།སྡུག་བསྔལ་བ་ཡང་མ་ཡིན།བདེ་བ་ཡང་མ་ཡིན་པ་དེ་དག་ནི་ཚོར་བ་གསུམ་ཞེས་བྱའོ།།དེ་ལས་བྱུང་བ་འདོད་ཆགས་དང་།ཆགས་པ་དང་།དགའ་བ་དེ་ནི་སྲིད་པ་ཞེས་བྱའོ།།དེ་ལས
308b2 བྱུང་བ་ཀུན་དུ་ཆགས་པ་དང་།ལྟ་བ་དང་།ཚུལ་ཁྲིམས་དང་།བརྟུལ་ཞུགས་དང་།བདག་ཏུ་སྨྲ་བ་དེ་ནི་ལེན་པ་ཞེས་བྱའོ།།དེ་ལས་བྱུང་བ་གཟུགས་དང་།ཚོར་བ་དང་།འདུ་ཤེས་དང་།འདུ་བྱེད
308b3 རྣམས་དང་།རྣམ་པར་ཤེས་པ་དེ་ནི་སྲིད་པ་ཞེས་བྱའོ།།གང་སྲིད་པ་དེ་འབྱུང་བ་དང་།སྐྱེ་བ་དང་།མངོན་པར་འགྲུབ་པོ་དེ་ནི་སྐྱེ་བ་ཞེས་བྱའོ།།གང་སྲིད་པ་དེ་འགྱུར་བ་དང་།འཇིག་པ་དང་།ཉེ་བར
308b4 ཁྲིད་པ་དེ་ནི་རྨྱ་བ་ཞེས་བྱའོ།།གང་ཁྲིད་པ་དེ་འཚོ་འཕོ་བ་དང་།འབྲལ་བ་དུ་ནི་འཆི་བ་ཞེས་བྱའོ།།དེ་དེ་ལྟར་རྟེན་ཅིང་འབྲེལ་པོར་འབྱུང་བ་ལ་དཔྱོད་ཅིང་ཡོངས་སུ་རྟོག་ལ།ཁོང་དུ་ཆུད་པར་བྱེད་ཅིང
308b5 རྣམ་པར་འཇིག་པ་ན་ས་རློམ་སེམས་སུ་མི་བྱེད།སས་རློམ་སེམས་སུ་མི་བྱེད།ས་བདག་གི་སྙམ་དུ་རློམ་སེམས་སུ་མི་བྱེད་དོ།།ས་ལ་མངོན་པར་དགའ་བར་མི་བྱེད་དོ།།ཆུ་དང་།མེ་དང་།རླུང
308b6 དང་།ན་མཁའ་དང་།རྣམ་པར་ཤེས་པ་ལ་གཅིག་པ་དང་།ཐ་དད་པ་དང་།མཐོང་བ་དང་།ཐོས་པ་དང་།བྱེ་བྲག་ཕྱེད་པ་དང་།རྣམ་པར་ཤེས་པ་དང་།མྱ་ངན་ལས་འདས་པ་ལ་རློམ་སེམས་སུ
308b7 མི་བྱེད།མྱ་ངན་ལས་འདས་པས་རློམ་སེམས་སུ་མི་བྱེད།མྱ་ངན་ལས་འདས་པ་ནི་བདག་གིའོ་སྙམ་དུ་རློམ་སེམས་སུ་མི་བྱེད་དོ།།མྱ་ངན་ལས་འདས་པ་ལ་མངོན་པར་དགའ་བར་མི་བྱེད་དོ།།
iiif viewer powered by OpenSeadragon
