| e-texts navigator |
| Wylie |
307b1 དང་ཡང་དག་པའི་དྲན་པ་དང་།ཡང་དག་པའི་ཏིང་ངེ་འཛིན་དེ་ནི་སྡུག་བསྔལ་འགོག་པར་འགྲོ་བའི་ལམ་འཕགས་པའི་བདེན་པ་ཞེས་བྱ་སྟེ།འདི་དག་ནི་འཕགས་པའི་བདེན་པ་བཞི་ཞེས་བྱའོ།།དེ་འཕགས
307b2 པའི་བདེན་པ་བཞི་པོ་དེ་དག་ལ་དཔྱོད་ཅིང་རྟོག་ལ་ཁོང་དུ་ཆུད་པར་བྱེད་ཅིང་།རྣམ་པར་འཇིག་པ་ན་འདུས་བྱས་ཀྱི་ཁམས་ལ་མི་རྟག་པ་དང་།སྡུག་བསྔལ་བ་དང་།སྟོང་པ་དང་།བདག་མེད་པར་མཐོང་ངོ་།།
307b3 འདུས་མ་བྱས་ཀྱི་ཁམས་ལ་ནི་སྐྱབས་དང་།གནས་དང་།མགོན་དང་།དཔུང་གཉེན་དུ་ཡང་མཐོང་ལ།འདུས་མ་བྱས་ཀྱི་ཁམས་མངོན་སུམ་དུ་ཡང་མི་བྱེད་དོ།།དེ་ལྟར་འཕགས་པའི་བདེན་པ
307b4 བཞི་པོ་དག་རབ་ཏུ་ཤེས་སོ།།དེ་ཆོས་དེ་དག་ཉན་ཅིང་འཛིན་པ་དང་།མང་དུ་བྱེད་ཅིང་ཡོངས་སུ་རྟོག་པ་ན།རྟེན་ཅིང་འབྲེལ་བར་འབྱུང་བ་རབ་ཏུ་ཤེས་ཏེ།འདི་ལྟ་སྟེ།མ་རིག་པའི་རྐྱེན་གྱིས་འདུ
307b5 བྱེད་རྣམས་དང་།འདུ་བྱེད་ཀྱི་རྐྱེན་གྱིས་རྣམ་པར་ཤེས་པ་དང་།རྣམ་པར་ཤེས་པའི་རྐྱེན་གྱིས་མ་དང་གཟུགས་དང་།མིང་དང་གཟུགས་ཀྱི་རྐྱེན་གྱིས་སྐྱེ་མཆེད་དྲུག་དང་།སྐྱེ་མཆེད་དྲུག་གི་རྐྱེན
307b6 གྱིས་རེག་པ་དང་།རེག་པའི་རྐྱེན་གྱིས་ཚོར་བ་དང་།ཚོར་བའི་རྐྱེན་གྱིས་སྲེད་པ་དང་།སྲེད་པའི་རྐྱེན་གྱིས་ལེན་པ་དང་།ལེན་པའི་རྐྱེན་གྱིས་སྲིད་པ་དང་།སྲིད་པའི་རྐྱེན་གྱིས་སྐྱེ་བ་དང་།སྐྱེ
307b7 བའི་རྐྱེན་གྱིས་རྒ་ཤི་སྟེ།འདི་ནི་རྟེན་ཅིང་འབྲེལ་པར་འབྱུང་བ་ཞེས་བྱའོ།།འཕགས་པའི་བདེན་པ་བཞི་དང་།རྟེན་ཅིང་འབྲེལ་པར་འབྱུང་བ་མི་ཤེས་པ་དང་།མི་མཐོང་བ་གང་ཡིན་པ་དེ་ནི
iiif viewer powered by OpenSeadragon
